ملف صوتی نحر يصرخ رسالة الى بصوت قحطان البديري

نحر يصرخ  رسالة الى(مكتوبة)

الرادود:قحطان البديري

 

آه إي والله سبايا يا عيال

ثلث تيام عاري ع التراب حسين
غمض يا محب وتخيل الحالة

عليك الحسين غمض عيونك ودنّگ بالگاع

جسد مقطوع راسه ونحر يصرخ صوت

فدوة أروح لك سيدنا رحم الله تلك الصرخة التي كانت لنا حسين

ثلث تيام عاري ع التراب حسين
حبيبي يا أبا عبد الله
غمض يا محب وتخيل الحالة
جسد مقطوع راسه ونحر يصرخ صوت
أنا العطشان أنا العطشان ماي العلقمي شماله؟

بعد

أنا السلبوا ثيابه وظل بلاية ثياب
عذراً يا سادة عذراً يا غيارى مولاك حبيبك الحسين
أنا السلبوا ثيابه وظل بلاية ثياب
ثلث تيام محد غطة عناله
ثلث تيام بس من يوم الأول چان
يسأل وين وصلوا بالسبايا عياله؟

إي مولاي يا أبا عبد الله وين وصلوا؟
ركبوهم على نياق هزيلة بين شتم وصوت وضرب ويتيمة تلوذ بعمتها زينب

غمض يا محب بس عيش واقع حال
حسين يريد واحد يشعر بحاله
من دوس الحوافر أويلاه
من دوس الحوافر صاير وي الگاع
ما ينعرف صدره من الظهر ماله

بعد

ما ينشاف من كثر السهام البي
طلع لك سهم من جسمه واقرا له
سهم قلبه طلع من ظهره بس حسين
سهم نحر الطفل ما طلع من باله

خنجر ملتقي بخنجر وين بفخذ حسين
رمح خاصرته واصل طارف ذياله
الخنصر ما يضيع باتجاه الماي
يأشر ع الوفا وچفين كفاله چفين تلقاله
ياهو يريد يحسب چم ضلع مكسور؟
يتخيل صدر سحگته الخيالة

أويلاه ثلث تيام نايم ع التراب حسين يا بوي

ثلث تيام نايم ع التراب حسين
وهو من السما شما طلب يجرى له
ثلث تيام حر من الشمس والگاع
غيّر لون حبيب حسين لكن ثبت أفعاله
بوية ثلث تيام جسم حسين ما مشيول ما مشيول ما مشيول

حر قلبي عليك مولاي يا أبا عبد الله

راسه انشال بس برمح چتاله
يمر ع الخيم أويلاه عذراً يا صاحب الزمان
الچتال يمر ع الخيم ويهوّس براس حسين

وتتوچى الرماح بزينب زينب زينب
يا مايلة يا مايلة يا مايلة الدنيا وي زينب

وتبراله
اليغمض عينه غمض عينك غمض عينك
اليغمض عينه ويحس بالحسين يشوف
صحوة كل ضمير من الحچي الگاله
ألا من ناصر للي ما رجف بالموت
مو للخايف ويرجف من خياله
اتقرب من بعيد حسين ما ينشاف
ومحرم مو شهر وتراقب هلاله
محرم مو شهر كل يوم عاشوراء
محرم كل وقت متحزمة رجاله
محرم

محرم مو قصائد ذوق هذا وذاك
ولا هذا الكبير وذاك هنياله
شعرك يا محب لو ما حسين يموت
ولو ما هو صوتك محد بحاله

من جسم القصايد طلعت لك لا تطلع طور
هي رسالة إلي
من جسم القصائد لا تطلع الطور
طلع لك سهم من جسمه واقرا له

شاعرها خادم الحسين محمد الفاطمي