ملف صوتی درة فاطمة بصوت مهدي العبودي

درة فاطمة(مكتوبة)

الرادود:مهدي العبودي

 

الحمد لله الذي أكرم المستشهدين في سبيله
الحمد لله الذي رزقنا الشهادة في سبيله
الحمد لله الذي رزقنا الجهاد في سبيل الإسلام

هاليوم هاليوم نعزي فاطمة
هاليوم هاليوم نعزي فاطمة
بحماك بحماك علي حامي الحمى
هاليوم هاليوم نعزي فاطمة
هاليوم هاليوم نعزي فاطمة
بحماك بحماك علي حامي الحمى
هاليوم هاليوم نعزي فاطمة

ياهل العراق ضيف بحنانه
من الاشتياق ميت وجانه
ياهل العراق ضيف بحنانه
من الاشتياق ميت وجانه

كل درب فرشوا الورد
كل شي خلوا مستعد
بلكي يبقى ما يرد
يندفن في كربلاء

عيونه متروسة هضم
والله يستاهل لطم
هذا فرگاه بالعظم
هذا مرسول السما

كون تعويض السنين
گبره بين الحرمين
بين عباس وحسين
هاي گاع العظماء

هذا جمال راد المنية
مضرب مثال الغاضرية

هاليوم هاليوم نعزي فاطمة
هاليوم هاليوم نعزي فاطمة
بحماك بحماك علي حامي الحمى
هاليوم هاليوم نعزي فاطمة

هذا الوفاء للمتفضل
وبكربلاء دمعاته تنزل
هذا الوفاء للمتفضل
وبكربلاء دمعاته تنزل

مثل ما واقف أخو
صار للشيعة أبو
درس لقن للعدو
ينذكر في كل زمن

فزعة ما تنكر
چفه بصمة نصر
هو وابنه ينشكر
ع المواقف بالمحن

خيمة الشيعة بفخر
جاب تسعين نهر
فراگه يكسر الظهر
الكون ملفوف بچفن

هاي الجبال مو مسرحية
مضرب مثال الغاضرية

هاليوم هاليوم نعزي فاطمة
هاليوم هاليوم نعزي فاطمة
بحماك بحماك علي حامي الحمى
هاليوم هاليوم نعزي فاطمة

هاي الرجال الرافضية
مضرب مثال الغاضرية
هاي الرجال الرافضية
مضرب مثال الغاضرية

زلم ماتتعرض
ع الدول تفرض فرض
ذوله سادات الأرض
صدورهم بيها علي

ذوله مصنع مرجلة
دمهم من يتحلله
يجري بيهم كربلاء
والي سلمها لولي

زوروا حامي الحمى
شيلوا نعشه للسما
هذا درة فاطمة
وجهه من الأنبياء

مشكورين ياهل الحمية
مضرب مثال الغاضرية

هاليوم هاليوم نعزي فاطمة
هاليوم هاليوم نعزي فاطمة
بحماك بحماك علي حامي الحمى
هاليوم هاليوم نعزي فاطمة

هذا اللگال لازم أذلهم
هذا الشال إيده وكسرهم
هذا اللگال لازم أذلهم
هذا الشال إيده وكسرهم

ع بروسكم شيلوا النعش
الزلم جوه تنفرش
هذا صاغ من العرش
عمره حل بس النحر

هذا ما ضم هامته
بارز بعمامته
الدول كلها شافته
چفه گطاع البحر

فوق علوا رايته
فوق شيلوا صورته
خل نبوس عمامته
بيها غيرة الگمر

سجل رجال المرجعية
مضرب رجال الغاضرية

هاليوم هاليوم نعزي فاطمة
هاليوم هاليوم نعزي فاطمة
بحماك بحماك علي حامي الحمى
هاليوم هاليوم نعزي فاطمة