جرح الكوفة وجرح الشام (مكتوبة) - نزار القطري
منذ ١٣ سنة١.١Kمشاهده
الشاعر : الأديب أبو زهرة الكوفي
جرحين ما أظن تلتام جرح الكوفة وجرح الشام
صابان روحي زادان نوحي جرح الكوفة و جرح الشام
******
يالتنشدوني قلبج اشعنده ينوح واشجرى عليج وجمر دمعج مسفوح
آنا إخت المسلبة ثيابه ومذبوح آنا إخت المتربي وكل جسمه جروح
أتذكر خيل الظلام نار الماخلتلي خيام
ضربمتوني بين عيوني جرح الكوفة و جرح الشام
******
جرحين ما أظن تلتام جرح الكوفة وجرح الشام
صابان روحي زادان نوحي جرح الكوفة و جرح الشام
******
و يا صبر قلبي الملتهب بالحسرة مالومه لو يوقع وينفذ صبره
وبيا وضع عفت اخوتي على الغبرة مهضومة ومكسره بصدر العبرة
لو ألطم اشلون أنلام و بلا دفن عفت أجسام
لو جان ليلي هدمن حيلي جرح الكوفة وجرح الشام
******
جرحين ما أظن تلتام جرح الكوفة وجرح الشام
صابان روحي زادان نوحي جرح الكوفة و جرح الشام
******
للكوفة طبيت ولجن بيا شصار بالكوفة للعز عندي أكبر تذكار
من جان والي الكوفة و بويه الكرار نحت وصحت من صارت اقبالي الدار
يا وسفة ذيك الأيام راحت وصارت أحلام
حقي تحسر منه أتذكر جرح الكوفة وجرح الشام
******
جرحين ما أظن تلتام جرح الكوفة وجرح الشام
صابان روحي زادان نوحي جرح الكوفة و جرح الشام
******
مرت عليه هموم كلّش كلفة أنا العقيلة وأنشتم يا وسفة
لو قلت جرح الكوفة بلجن يشفى ما أظن جرح الشام يقطع نزفه
شابكة العشرة على الهام و انهدم خــدري ومادام
شيحمل وني حيل أذني جرح الكوفة وجرح الشام
******
جرحين ما أظن تلتام جرح الكوفة وجرح الشام
صابان روحي زادان نوحي جرح الكوفة و جرح الشام
******
لو بالصخر ذاب الصخر من همي طشت لمن شفت راس ابن أمي
يضرب شفافه يزيد يحرق دمي ناديت ريتك يا بو فاضل يمي
وين أبو الغيرة الضرغام وين العلم و الصمصام
راح الوالي وبدلالي جرح الكوفة وجرح الشام
******
جرحين ما أظن تلتام جرح الكوفة وجرح الشام
صابان روحي زادان نوحي جرح الكوفة و جرح الشام
التعلیقات