بيا حاله شافت فاطمة (مكتوبة) - باسم الكربلائي

قصيدة : بـيـاحـاله  شافت  فاطمه

الشاعر : الأديب الاستاذ الحاج جابر الكاظمي

الرادود : الحاج ملا باسم الكربلائی

بـيـاحـاله  شافت  فاطمه * عبد الله مخضوب ابدمه
صـاحـت يـمـحـروم *بـالنبـلـه مفـطـوم
******
بـضـعـه مـحمـد فاطمـه بالحسـره والـنـوح
وصـلـت  مفاوز كـر بـلا مـن عالـم الـروح
شـافـت  آبـو اليمه الدمع مـن عينـه مسفـوح
يـتـحسـر وشايـل طفـل بالنبـلـه مـذبـوح
صـاحـت  يـا قـرة ناظري*يابني وياسلوة خاطري
أبـنـك يــا مـظـلوم*بالنبـلـه مـفـطـوم
******
مـدت  أيـديـهـا تناولـت مـن أيـد الحسيـن
طـفـلـه  الذي نحره انفصـل مـن رميـه البيـن
شـمـت وريــده ونـادتــه بدمعةاللـعـيـن
نـورك يـا شـمـعة مهجتي ويـن اختفـى ويـن
عـبـد  الله يـا صـبي النظر*نحرك يمقطوع النحـر
تـتـنـازف  ادمــوم  * بـالنبـلـة مفـطـوم
******
عـبـد الله يـا نـجم السعد نـورك طفـه وغـاب
هـزت كـيـانـي لوعتـك ومصابـك امصـاب
هـذا  الـوريد  اللـي انفصـل بالنبلـه وانصـاب
ذكـرنـي مـحـسن من وقـع يـن عتبـة البـاب
كـلـمـا  اصد  المنحرك*اجري الدمع و أتصـورك
جــم مـحـسـن الـيوم*بالنبـلـه مفـطـوم
******
قـوم  الـذي بدافع غـدر هجمـوا علـى الـدار
هـم الـذي قـد صـرعـوا عـتـرة الـمختـار
نـاري  الـذي اسـعـرت تـركـت آلـف نـار
سـهـمـك يـذكرنـي بالـم لوعـة المسـمـار
لـومـا كـسر ذاك الضلع*ماجان وريـدك ينقطـع
ولاتـبـقـى مـحـروم*بـالـنـبـلـه مـفطوم
******
عـبـد  الله نـفس امصيبتـي جـن دارت عليـك
الـطـيحوا  جنينـي  عـالا رض بالنبلـه راميـك
يـا  لـمتت ضامي هـاك اخـذ دمعاتـي ترويـك
بـالـجـنـة يـا صبـي البصـر محسـن يتانيـك
يـا مـنـهـل أعيوني اليسح*موقف وريدك منذبـح
بـعـيـونـي مـرسوم*بالنـبـلـه مـفـطـوم