عابس يصيح بصوت يا من تسمعوني (مكتوبة) - باسم الكربلائي

قصيدة : عابس  يصيح بصوت

الشاعر : الأديب الحاج جابر الكاظمي

الرادود : الحاج ملا باسم الكربلائی

 

عابس  يصيح بصوت ... يامن تسمعوني
جـنـني حب حسين ... لا لا تلوموني
******
عـابـس  بـرز والموت يتخطة جدامه
يـدري  النهاية  اليوم وانـختمت ايامه
تـنـثـر جـمر عيناه وبجفة صمصامه
ويـنـادي  هاي الكوم اخضع يريدوني
******
لا والـذي عـالـكـاع رافع سماواته
هـذا  الـحشد هيهات ترهبني صولاته
راعـي الـهـدف دنياه ما دنست ذاته
وانـه اعـله طيب الذات اسلافي ربوني
******
درعـي انـخلع السيف من جفي ذبيتة
وهـالـعـسـكر  الجرار اعزل تعنيتة
شـابـجـة ايـدي بايد وبعزمي لاويتة
عـابـس انـه وهالكَوم كلهم يعرفوني
******
لـن واحد من الناس بالطف وقف حاير
يـنـشدني  جالمذهول  ياعابس شصاير
اعـزل رحـت للجيش وعلجمع غاير
هـذا انـت جـالممجنون تتمثله عيوني
******
جـاوبـتة  ذوك جواب يالناشدت عني
لـوشـاهـدت  هالحال لاتعتجب مني
طـحـت  بغرام حسين وبـحبه جنني
حـيـث  الجنون  فنون والمعركة فنوني
******
خل  يسمع ابن زياد وجيوشة خل تسمع
مـاعوف ابو السجاد لو جسمي يتكطع
والـدنـية  بين اثنين لو عزة لو مصرع
جـيت إلكم بلا سيف كلكم تشوفوني
******
خل  كل  دماية تسيل خل يطفح الوداي
ولا مـحـجمة من دموم ريحانة الهادي
سـاعـة مـمات اليوم احسبها ميلادي
وبـمـوتـي هالاجيال عايش يحسبوني
******
راعـي الإبـة بـدنياه لو وذرو جسمه
صـفـحة  خلوده وياه يكتبها من دمه
بـس  الـذليل يموت كَبل الممات اسمه
وآنـه الأبـي وهيهات عالذل يرغموني
******
هـاج وغضب عالموت والعسكر يشوفه
مـابيدة  جان  سلاح حاربهة بـجفوفه
زلـزل  لواه الجيش وارتـجت الكوفه
ويـصـيح انة الماهاب من موتي تدروني
******
سـهام وحجر يرميه هالعسكر الغاضب
وثـبت اسد غضبان عابس وقف واثب
يـشـكَف حجر ورماح وبهمّته يخاطب
اتـمـنـه لـو افراد كلكم تكصدوني
******
بالصيحة عابس جان من هل الجمع رايد
لـلـمـعركة يبرزون واحد بعد واحد
لـجـن لفاه الجيش من كل كتر حاشد
وعـابس  وثب ويصيح ماخابت ظنوني
******
كـثره  المرامي وصار يشكَفهن بصدره
وتـواردوه الـكَـوم طـبره بأثر طبره
عـابـس  وكع جالطود وتوسد الغبره
وبالدم  كتب  عالكاع هذة انه مضموني
******
بـالـحومة لن حسين يم الجسد جالس
يصرخ  يـمن  بالكون تنعد بالف فارس
فكدك جمر بـحشاي ظل يدوي ياعابس
وانـه  ادري بين عداي مفرد تـخلوني