اليوم مات جدي الرسول (مكتوبة) - باسم الكربلائي

قصيدة : اليومَ ماتَ جدي الرسول

الشاعر : الأديب جابر الكاظمي

 الرادود : الحاج ملا باسم الكربلائی

 

اليومَ ماتَ جدي الرسول ... اليومَ ماتت أمي البتول
يـا مـحـمـدُ يـا عـلـي...يـا عليُ يا محمد

لـهـيب الطف بده ايوضح صور عن زينب الكُبره
تـعـنت  يم اخوها احسين و هي ابعين الوفه اتنظره
تـقـلـه الـليله يا بن أمي نحيب و نايحه و حسره
الـفـجـر  بـاجـر يبو اليمه يراويني غصص مره
تـودعـنـي و تـخـلـيني أصب عبره بأثر عبره
وداعـك هـذا ويـانـه وداع الـهادي و الزهره
الدمعُ مني يجري سيول ... و لستُ أدري ماذا أقول
يـا مـحـمـدُ يـا عـلـي...يـا عليُ يا محمد

يـا  خويه لو شفت باجر ذبيح اعله الترب جسمك
أغـسـلـك  من دمع عيني و أشارك بالحزن همك
لـون داسـت عـلـيك الخيل تذكرني بضلع أمك
لـظـل أنـحـب يـبعد أهلي لساني يردد بأسمك
أجـيـك الـمصرعك ولهه و أشوف المصطفه يمك
عـلـه اجروحك يحط خده و يخضب شيبته ابدمك
غداً  عليكم  خيلٌ تجول ... و حينَ تأتي من ذا يحول
يـا مـحـمـدُ يـا عـلـي...يـا عليُ يا محمد

يـا  خـويـه و ينهدم حيلي لون فجر الحرايب طر
أجـيـك بـمـهـجه تستهل لهبها و جمرة التسعر
الـحـجـر  لو صابك أتذكر أبويه من انطبر حيدر
أشـوفـك مـرمـي عـالغبره ذبيح ابدمك امعفر
أشـوف الـمـرتـضـه يمك يصب ادموعه بالمنحر
يـقـلـك يولدي اشيجمع جسم فوق الثره اموذر
ينتابُ  عقلي  غدا ذهول ... من نائباتٍ تفني العقول
يـا مـحـمـدُ يـا عـلـي...يـا عليُ يا محمد

يـا  خـويـه و باجر ابعيني أشوف الطاهره البضعه
تـحـن يـمـك يـبـو الشيمه تردد باسمك و تنعه
تـعـايـن جـسمك الدامي تنوح النحرك و قطعه
تـضـمـك خـويه بالعبره صدرها المنكسر ضلعه
تـحـاجـيـك ابـمـدامعها تصيح بمهجه منفجعه
أغـسـلـك  بـالـدمـع يابني لونها تنفع الدمعه
الحزنُ  يبقى و لن يزول ... و سوفَ تبقى لنا ذحول
يـا مـحـمـدُ يـا عـلـي...يـا عليُ يا محمد

الـفـجـر باجر لون جهجر بصليل النايبه اترصده
يـصـوبني  زماني اصواب كلف يصعب علي شده
يـراويـنـي الدهر جسمك وذر و المصرع ايسنده
الـحـسن  يمك أشوفه ايريد على خدك يضع خده
لـجـن  مـا يلقه عندك راس تخنقه العبره و اتشده
حـزيـن و يـنـحني يمك على جبدك يضع جبده
الـحـزنُ مـني غداً يطول ... أبكي لقلبي لما ينول
يـا مـحـمـدُ يـا عـلـي...يـا عليُ يا محمد

يـا خـويـه جـدك الهادي و أبويه حيدر ابكترك
الحسن  و أشوفه يم جسمك و أشوفن فاطمه اتنظرك
لـجـن عـيـني بعد تنظر دماك التجري من نحرك
عـلـيـنـا  تتوجه الخيل عقب ما ينسحق صدرك
إذا أتـتـنا تلكَ الخيول ... أدعوا بصوتٍ لما تصول
يـا مـحـمـدُ يـا عـلـي...يـا عليُ يا محمد