عين الجلاله تنظرك ـ و الباري عظم اجرك (مكتوبة) - باسم الكربلائي
منذ ١٣ سنة٧٤٩مشاهده
قصيدة : أبـعـث دمـعـتـي لـقـبـرك
الشاعر : الأديب الحاج جابر الكاظمي
الرادود : الحاج ملا باسم الکربلائي
أبـعـث دمـعـتـي لـقـبـرك.... يـا أبـا الـحـسن واتخبرك
راحــوا بـنـيـنـك يـاحـيـدر ....راحـوا بـنـيـنـك
عـيـن الـجـلالـه اتـنـظـرك.... والـبـاري عـظـم أجرك
راحــوا بـنـيـنـك يـاحـيـدر ....راحـوا بـنـيـنـك
هــاي آنــه أمــهــم.... حــرمــونــي مـنـهـم
******
أولادك يـا حـيـدر خيمة أسراري ....ودار إلبيه تربوا دارك اوداري
إلـك عـنهم أوصل آخر أخباري ....دمهم مثل دمك يا علي جاري
صـحـت والظيم سجر بالقلب ناري ....يا حيدر يعظم أجرك الباري
أولادك اوتــدريــهــم.... أنــتـه إلـذي أمـربـيـهـم
حـمـلـوا صـفـاتـك يـا حـيـدر.... حـمـلـوا صـفاتك
لـو نـاشـدتـنـي إعـلـيـهـم ....كـل الـمـراجـل بيهم
حـمـلـوا صـفـاتـك يـا حـيـدر.... حـمـلـوا صـفاتك
عــزمــك عــزمــهــم ....حــرمـونـي مـنـهـم
******
اشـلون أربع غوالب جبل واحدهم ....مرضعهم على الطيبات عودهم
كـل مـعـنـه الـمراجل تلتقه عدهم ....يكفيهم يحيدر أنته والدهم
عـشت متنومسه ومتمهله بسدهم.... اوماحسبت عني الموت يبعدهم
دنـيـانـه قـطـعـت ظـنـي.... هـالـلـيـلـه غابت عني
أربــع ضــيــاغـم يـا حـيـدر.... أربـع ضـيـاغـم
اشـيـنـفـع نـحـيـبـي اونـي.... والـدنـيـا أخـذت مني
أربــع ضــيــاغـم يـا حـيـدر.... أربـع ضـيـاغـم
حــيــرنــي هــمــهــم ....حـرمـونـي مـنـهـم
******
خـبـر يعصف رزايا لقبرك اتوافيك.... وإجبالي هموم محملات اعليك
يـحـلال الشدايد مهجتي اتناديك.... مو بس أنا أبعثها هالتعازي ليك
هـالـليله الكون كله يا علي ايعزيك.... وبفقد البنين الأربعه ايواسيك
الـعـالـم يـبـث أشـجـانـه.... حـتـى الـعـرش وأركانه
تـبـجـي اعـلـه حـالـك يـا حـيـدر ....تبجي اعله حالك
جــن وإنــس حــزنـانـه ....تـجـري الـدمـع ويـانـه
تـبـجـي اعـلـه حـالـك يـا حـيـدر.... تبجي اعله حالك
تــلــهــج بــإسـمـهـم ....حـرمـونـي مـنـهـم
******
عـلـم صـابك ينوح العالم بأسره.... وتواسيك الإنس والجان بالعبره
يـبـو الحمله بعدها براسك الطبره.... وبعده الدم يسيل وينزف المجره
قـبـل ما طبرتك تضمد يبو العتره.... إجت لوعة مصيبة كربله الكبره
مـصـرع بـنـيـنـك صـابـك.... اوجـدد لـهيب امصابك
الله يــصــبــرك يــا حــيــدر.... الله يــصـبـرك
ريـت الـدلـيـل اصـوابـك.... لا هـالـحـزن يـنـتـابك
الله يــصــبــرك يــا حــيــدر.... الله يــصـبـرك
وآنــه بــفــقــدهــم ....حــرمـونـي مـنـهـم
******
يـا من قلبك يحيدر للصبر منجم.... افقدت أربع طوالع والزمان أظلم
أتركوا أربع جروح اتفيض هم.... اوغم اشلون جروح لا تبره ولا تلتم
أخـيـط واحـد الثاني ايتنازف دم.... لا يرهم عليهن دوه ولا مرهم
فـقـد الـبـنـيـن اجـروحـي.... مـن عـيني نشفت موحي
نــار الــمـصـايـب يـا حـيـدر.... نـار الـمـصـايـب
شـيـطـفـي جـمـرة نـوحـي.... يـسـعـر لـظاها بروحي
نــار الــمـصـايـب يـا حـيـدر ....نـار الـمـصـايـب
بــقــلــبــي حــزنـهـم ....حـرمـونـي مـنـهـم
******
بـدلـيـلي الظيم نايم نومة السبعه.... وبمرعه الجبد نوق الحزن ترعه
وحين إلي رجع ناعي الأجل ينعه.... صحت يا ربي سترك ضاقت الوسعه
خند روحي بصبرها اوفجر الدمعه.... طفه عيني مثل ما تنتطفي الشمعه
صـوت الـكـدر يـنـعـاهـم.... واتـغـسـلـوا بـدماهم
عــنـهـم أخـبـرك يـا حـيـدر ....عـنـهـم أخـبـرك
تــراب الــلـحـد واراهـم ....ريـت أنـدفـن ويـاهـم
عــنـهـم أخـبـرك يـا حـيـدر ....عـنـهـم أخـبـرك
شــيـحـمـل هـضـمـهـم ....حـرمـونـي مـنـهـم
******
حـده حـادي المنايا وسكنوا التربان.... عبدالله وأخوته جعفر وعثمان
لون تنشد يحيدر عن قمر عدنان.... وقع صوب الشريعه امقطع الذرعان
ورايـه إلـجـنت بيها ترهب الفرسان.... ظلت يا علي مرميه بالميدان
رايـه الـجـنـت تـرفـعـهـا....صـار الـتـرب مـوقـعها
مــرمــيـه ظـلـت يـا حـيـدر ....مـرمـيـه ظـلـت
و أولادك ابـمـصـرعـهـا ....مـحـد حـضـر شـيـعـهـا
مــرمــيــه ظــلـت يـا حـيـدر مـرمـيـه ظـلـت
مــنــهــو الــدفـنـهـم.... حـرمـونـي مـنـهـم
التعلیقات