طاح من دار المجد عاموده (مكتوبة) - باسم الكربلائي
منذ ١٣ سنة٤٥٩مشاهده
قصیدة : طـــاح مـن دار الـمـجــد عـامودها
الشاعر : الأديب الحاج جابر الكاظمي
الرادود : الحاج ملا باسم الکربلائی
طـــاح مـن دار الـمـجــد عـامودها وال امـيـه حـصـلـت مگـصــودهـــا
******
هـــذا أول بـدر مـن عـدنـان غــاب وانطــوه عـمـره مـثـل طـي الكتاب
عگبه ظل يتواصل امصاب ابمصاب وراحت الـعـزَّه وتـهـــدم طـودهـا
******
خــانـت ابـمـســلـم الكوفه وغدرته وللحـشــر مـا تـطـفـه نار امصيبته
مــن الـگـصـر للگــاع ذبـت جـثته عگب ما خانت اويـــاه اعـهـودهــا
******
گضــه نـحبه وراح مظلوم وغريب وضجّت الدنيه اعله مسلم بالنحيب
مسلم امـصـابـه الطـفـل منه يشيب ابفگده چن فگدت الدنيه اوجـودها
******
لبني هاشم خبر مسـلـم مـن وصـل حصل موقف حزن ما مثله ايحصل
صوت لوعتها ابمـدامـعـهـا اتـصـل وحفرت ابـسـيـل الدموع اخدودهـا
******
وابو اليمه خـلّـه عـد گـومه القرار بـيـن تـمـشـي وبـيـن تـرجـع للديار
گالوا النه اويه العده يحـسـيـن ثار نـريـد نـحـفـر بـالـسـيـوف الحودها
******
للمـديـنـه مـا نـرد يـبـن الـرســـول انچان ما نترك دمه الكـوفـه سيول
الثار لو عـفـنـاه هـالناس اشتگول لبست الذله ورضــت بـقـيـودهــــا؟
******
أبـد مـــا والله نرجــــع للـــوطــــن انـچــان ما نگطع جذور اهل الفتن
ومـــن نـمـوت المـوت للعـزه ثمـن والعده انـوگـفـهـا عـنـد حـدودهـــا
التعلیقات