داحي الباب اشلون انصاب (مكتوبة) - باسم الكربلائي
منذ ١٣ سنة٣٧٩مشاهده
قصیدة : داحي الباب شلون انصاب
الشاعر : السيد سعيد الصافي الرميثي
الرادود : الحاج ملا باسم الكربلائی
اشـلـون انصاب داحي الباب داحـي الـباب اشلون انصاب
شـاعـت ابـفـضـله اخباره حـيـدر الـيـحـرس جـاره
داحـــي الــبــاب اشــلــون انــصــاب
*****
هـو الـنـبأ وأم القرى والميزان حيدر التشهد له الانس ويه الجان
تـوبته انقبلت بأسم داحي البيبان آدم بـيـوم العصه الباري الرحمن
بأسم الصميدة ندب رب الأكوان نـوح النبي لمن نجى امن الطوفان
يونس بأسم حيدر نجى من الحيتان حـيـدر الـبرد عالخليل النيران
بـيـهـا اسـباب هالاعجاب هـالاعـجـاب بـيها اسباب
شـاعـت بـفـضـله اخباره مــحــد وصــل اسـراره
داحـــي الــبــاب اشــلــون انــصــاب
*****
بـس الله يعرف علي وطه المختار مـستودع الكل الحكم والأسرار
بـيمينه يلهب غضب سيف الفقار مـا أدبـر بـيوم الشدايد كرار
ضـربـة علي خلته امتيه الأفكار عـمـرَ بن ود الجان فارس مغوار
رب الـعرش جا ما خلق إلهم نار هالخلق لو يجمعها حب حامي الجار
بـغـيـر حساب ماكو اكتاب مـاكـو اكـتاب بغير حساب
شـاعـت بـفـضـله اخباره يـوم الـحـشـر واخـطـاره
داحـــي الــبــاب اشــلــون انــصــاب
*****
مـا نـخـضع ونبقه نتمسك بيها بـيـعة علي كلما نضحي اعليها
ونـشـوف ياعذر الذي ينجيها الـبـضـغة علي بالمحشرانلاقيها
صـوت الـمـنادي باجر ايناديها تـالـيـنـا أشرف وعد لوتاليها
لـلحوض خل تقصد علي يرويها فـازت الـتـبعت حيدره واليها
لــلأطـيـاب مـي جـلاب مــي جـلاب لـلأطـيـاب
شـاعـت بـفـضـله اخباره كـل قـلـب تـبـرد نـاره
داحـــي الــبــاب اشــلــون انــصــاب
*****
مـن المهد هذا العهد يابو حسين شيعيتك احنا وانته بينه اعرف زين
لا بـينا ياحيدر اليحجي الوجهين جـلمتنه وحده وأبد ماتصير اثنين
لـلـنـدم مايوم الصفقنه الجفين عـن درب حبك ماتزل الرجلين
حـبك ابكل رقبة يظل ذمَّة ودين يـاعلي وكلما يقصي ويانه البين
لـلأصـلاب سـر و انـساب سـر و انـسـاب لـلأصلاب
شـاعـت بـفـضـله اخباره حـبـك وكـل هـاي آثـاره
داحـــي الــبــاب اشــلــون انــصــاب
*****
نـنـخاك ياحيدر وطحنه ابشدة يـالـتحضر الينخاك حاشه ترده
والـصـبر ما عونه طفح واتبده وبـكل قلب خطر الضيم و سده
كسر الخواطر تدري يصعب شده والـوضع ما ينحزر جزره ومده
طحنه ابظلم انهض و سيفك جرده والشيعي غيرك يبو حسين اشعنده
جـم امـصـاب عـدنه اعتاب عـدنـه اعـتـاب اعـتـاب
شـاعـت بـفـضـله اخباره شـخـصـك يـا راعي الشاره
داحـــي الــبــاب اشــلــون انــصــاب
*****
و عند الشدايد فضلك ايوصفونه حامي الدخيل إنت الذي يسمونه
و الـيقصدك حاشه تخيب إظنونه ردات لـهـفات الذي ايقصدونه
لـذنـه ابـضـريحك لمن اتولونه جـيـرانـك إحنه تقبل ايذبحونه
حـتـه الـيزورك قاموا ايمنعونه جـا ترضه دمنه ابقبرك ايسفكونه
انـعـيـش إرهـاب بين أذياب بـيـن أذيـاب انـعيش إرهاب
شـاعـت بـفـضـله اخباره و صـحـنـك حـضن زواره
داحـــي الــبــاب اشــلــون انــصــاب
التعلیقات