من اليسر يا عباس رجعت ضعوني (مكتوبة) - باسم الكربلائي
منذ ١٣ سنة١.٧Kمشاهده|1
قصیدة : رجعت ضعوني
الشاعر : السيد سعيد الصافي الرميثي
الرادود : الحاج ملا باسم الكربلائي
من اليسر يا عباس رجعت ضعوني ** إقعد يا راعي النوماس عاين متوني
شوف شجرالي خويه شوف شجرالي
شوف شجرالي خويه شوف شجرالي
******
تعتب عودت زينب المظلومة ** عتاب المنكسر خاطرها مهضومة
وحين المنبعد صدتها للحومة ** ذكرت يوم عاشر وش جرى بيومه
وحين المنبعد صدتها للحومة ** ذكرت يوم عاشر وش جرى بيومه
******
يا الحادي صاحت أنخاك أرحم دليلي ** أنه العقيلة أترجاك مرني بكفيلي
أرد أشكي حالي لخويه أرد أشكي حالي
أرد أشكي حالي لخويه أرد أشكي حالي
******
من اليسر يا عباس رجعت ضعوني ** إقعد يا راعي النوماس عاين متوني
شوف شجرالي خويه شوف شجرالي
شوف شجرالي خويه شوف شجرالي
******
والحادي سمع ونتها المجيدة ** ومن عباس أخوها شلهي الي تريده
خل يقعد ينوخ ناقتي بايده ** يقلها طلبتج يا زينب بعيدة
خل يقعد ينوخ ناقتي بايده ** يقلها طلبتج يا زينب بعيدة
******
يا ام المصايب تدرين قطعوا جفوفه ** وعلى الكوفة وعينه تعتبين حالج يشوفه
صاحت يا غالي خويه صاحت يا غالي
صاحت يا غالي خويه صاحت يا غالي
******
من اليسر يا عباس رجعت ضعوني ** إقعد يا راعي النوماس عاين متوني
شوف شجرالي خويه شوف شجرالي
شوف شجرالي خويه شوف شجرالي
******
أخويه الي على الهودج بايده صعدني ** ويبرن ناقتي بالوفى يواددني
خل يقعد مثل ما جابني يردني ** وعن غيبتي الي طالت لو يناشدني
خل يقعد مثل ما جابني يردني ** وعن غيبتي الي طالت لو يناشدني
******
يا با الفضل درب الشام بلوة انقضيته ** شحجيلك من الايام همي الي حويته
سود الليالي خويه سود الليالي
سود الليالي خويه سود الليالي
******
من اليسر يا عباس رجعت ضعوني ** إقعد يا راعي النوماس عاين متوني
شوف شجرالي خويه شوف شجرالي
شوف شجرالي خويه شوف شجرالي
******
قبل ما نوخت يم قبره ناقته ** هوت مثل الغصن حضنته بشوغتها
وبتراب القبر قطعت هامتها ** ونت والأرض ما تت لونتها
وبتراب القبر قطعت هامتها ** ونت والأرض ما تت لونتها
******
صاحت يا دخري بنياي عدما عفتني ** حان الوعد يا وفاي يالعاهدتني
جاوب سؤالي خويه جاوب سؤالي
جاوب سؤالي خويه جاوب سؤالي
******
من اليسر يا عباس رجعت ضعوني ** إقعد يا راعي النوماس عاين متوني
شوف شجرالي خويه شوف شجرالي
شوف شجرالي خويه شوف شجرالي
******
يا موقف أذكره وأنسى يا موقف ** ولسى عظامي من كثر الهضم ترجف
مكتوفة بحبل والقلب دم ينزف ** وعن الصوط بجفوف القمت أشقف
مكتوفة بحبل والقلب دم ينزف ** وعن الصوط بجفوف القمت أشقف
******
بين الحرم والأطفال الي حيرني دهي ** وما نشف دمعي الهمال شكثر صبري
ما عندي والي خويه ما عندي والي
ما عندي والي خويه ما عندي والي
******
من اليسر يا عباس رجعت ضعوني ** إقعد يا راعي النوماس عاين متوني
شوف شجرالي خويه شوف شجرالي
شوف شجرالي خويه شوف شجرالي
******
من ثقل المصاب وشدة الآلام ** أقول الكوفة أهون من مصاب الشام
من شفت الخرابة الحرم والأيتام ** ذكرت الشمل وأهلي ودورة الأيام
من شفت الخرابة الحرم والأيتام ** ذكرت الشمل وأهلي ودورة الأيام
******
بحبل الزمان الغدار مجتوفة ايديه ** بنت الوصي حامي الجار لني سبية
والهم بقالي خويه والهم بقالي
والهم بقالي خويه والهم بقالي
******
من اليسر يا عباس رجعت ضعوني ** إقعد يا راعي النوماس عاين متوني
شوف شجرالي خويه شوف شجرالي
شوف شجرالي خويه شوف شجرالي
******
يالتشربون الماي بالماي ذكرونــي ** أنه حسين المظلوم لا تنــســونــي
شيعتي ناديت وذاب مني الــقـلب ** جسمي بالميدان طايح عــلى الترب
للأبد ما ننساك يابن حامي الحمة ** أرواحنا كلها فداك والأهل والدمة
يل تشربون الماي بالماي ذكروني ** أنه حسين المظلوم لا تنــســونــي
شيعتي ناديت وذاب مني الــقـلب ** جسمي بالميدان طايح عــلى الترب
للأبد ما ننساك يابن حامي الحمة ** أرواحنا كلها فداك والأهل والدمة
يل تشربون الماي بالماي ذكروني ** أنه حسين المظلوم لا تنــســونــي
التعلیقات