الدمع و النوح يوالفنا (مكتوبة) - أبو بشير النجفي
منذ ١٣ سنة١٧٤مشاهده
الشاعر : أحمد الكعبي
الـدمع و النوح يوالفنه ...و تسيل إجروح عواطفنه
إلـك جـم روح مـشـتـاقه...تريد إوياك تتلاقه
تــســيــل إجــروح عــواطـفـنـه
******
حـنـيـنـه لـتـراب العشق الطف كربله حنينه
مـا بـيـنـه نـتـحـمـل بعد بعدك أبد ما بينه
قـلـبـك يـحـن إعـله العدو يحسين حن إعلينه
و فـقـدك يـبـو اليمه صعب جمره و تظل تجوينه
ذبـحنه الشوق إشكبر همه...و نحن كالنوق يبو اليمه
حـنـيـن الـروح جـالـناقه...تريد إوياك تتلاقه
تــســيــل إجــروح عــواطـفـنـه
******
حـنـت إلـك مـكه و منه جا ليش ما تحن يحسين
يـا عـيـن تـحـمل فرقتك مو حقها لو تعمه العين
مـحـروم مـن مـاي العذب من إزيارتك محرومين
يـا وسـفـه شـيعتكم تون من فرقتك صار إسنين
قضت إشجم عام عله الفرقه ...الجفن ما نام عله الملقه
الـدمـوع إتـهـيـج أشواقه...تريد إوياك تتلاقه
تــســيــل إجــروح عــواطـفـنـه
******
يـحـسـيـن بعدك مو سهل يالعايش إبوسط الروح
خـدام عـنـدك بـالـغرب متنطره و دوم إتنوح
لـزيـارتـك تبجي و تحن هجرك لجم بيها إجروح
تـنـصـب عـزاهـا إبغربتك آه يالغريب المذبوح
عـلـه الـعـزيـات تربينه...و ترف رايات تعازينه
الـحـزن عـاشـور و إطباقه ...تريد إوياك تتلاقه
تــســيــل إجــروح عــواطـفـنـه
******
ردنـه الـتـعـازي إبـكـربله يم الذبيح العطشان
إتـظـل كـربـله اليوم الحشر ما تطفه بيها النيران
إبـعـيـن المصايب لو تصد إتشوف السبط عالتربان
و إتـشـوف أطفال و حرم تبجي إعله فقد الوليان
تـشـوف الـنـار بالمخيم...الفزع جرار عليه ملتم
و تـشـوف إقـلـوب خفاقه...تريد إوياك تتلاقه
تــســيــل إجــروح عــواطـفـنـه
******
إتـشـوف الـيـتامه إبكربله إخيول العده إتروعها
مـا تـدري إلـمـن تـتجه و يم من تصب مدمعها
مـا تـقـدر إتـطـفي الخيم إجيوش العده تفزعها
يـا هـو الـتحشمه و ينتخي و ياهو الذي يسمعها
هـجـوم الـخـيل يمرمرها...و سواد الليل يحيرها
تـون لـلـوالـي و لـفـراقه...تريد إوياك تتلاقه
تــســيــل إجــروح عــواطـفـنـه
******
الله يـا لـيـل الـهـضـم لـلـعـايله إشراواها
لا خـيـمـه عـدها و لا حمه و فوق الترب ولياها
و عـيـن الـعـقيله إعله النهر إتنادي الجفيل إحماها
عـبـاس لـحـق عـالـحـرم عنك قرب ممشاها
دخـيـلـك قـوم يـوالينه...علينه إتحوم أعادينه
جـفـيـل الـعـايله إشعاقه ...تريد إوياك تتلاقه
تــســيــل إجــروح عــواطـفـنـه
التعلیقات