عليمن تبكي نشدوني (مكتوبة) - أبو بشير النجفي

الشاعر : أبو علي الناصري

 

عـلـيمن  تبجي  نشدوني...فرات حسين بعيوني
لـمـن يتروه جبد حسين...ما تقطع دمعها العين
فــرات حــســيــن بــعـيـونـي
******
الـدهـر قـانـونـه ذاك الـلـي مضه و ايمر
الـدنـيـه إتـلـم بـجـيـها و بالشته تمطر
لـجـن ويـن الـحـلـيـم الـبـلعقل ينظر
و  مـشـهـد  واقـعـي الـشيعة علي يصور
لـيـش إبـكـل وكـت مـدمـع حزنها يدر
عـهـدهـا  و بـالـعـهـد لازم يـوفي الحر
نحس  عبره إبنبض دمنه ...من أول رضعه من أمنه
عـهـد بـالرايه و الجفين...ما تقطع دمعها العين
******
مـا  يـقـطـع  دمـه حـسـين و يجف نحره
و  لا يـنـشـف دمـع بـنـت الوصي الحره
و لا جـود الـوفـه يـنـسـد تـرب نـهره
و  لا تـقـطـع مـدامـع شـيـعـة الزهره
عـهـد هـالأربـعـه مـن عـالـم الـقدره
لـمـن غـايـبـنـه يـنـفد عل الأرض أمره
تـظـل  هالحاله موجوده...لمن ينسه النهر جوده
عـهـد من عالم التكوين ...ما تقطع دمعها العين
******
يـالـتـسـأل سـؤالـك شـنـهو مضمونه
سـر  بـدمـوعـنـه و لازم تـفـهـمـونه
حـب  حـسـيـنـه و سـرنـه تـعـرفونه
الـنـوب  إبـعـيـن مـكـشـوفه تشوفونه
كـل شـيـعـي الـفـرات إنـحـفر بعيونه
و  بـعـد عـن الـبـواجـي لا تـنـشدونه
حـسـين  ينادي إنسمعه...نون و إنجاوبه إبدمعه
ينادي إمن الضمه كل حين ...ما تقطع دمعها العين
******
دمـعـنـه لـو صـدق مـضـمـونه يترجم
لـجـن ويـن الـيـقـيـمـه و بالقصد يفهم
دمـعـنـه تـرجـمـه ابـسـوح الولاء الدم
جـم جـيـل إعـلـه حـب سبط النبي إتيتم
مـا مـحـتـاج أبـو الـيـمـه نـصب مأتم
درس هـذا و نـريـد الـدنـيـه تـتـعـلم
إنـكـتب  من دمعة الشيعه...و إبدم نحره توقيعه
عـهـد  هذا علينه و دين...ما تقطع دمعها العين
******
إنـصـف يـا مـؤرخ و إنـظـر الـصـوره
عـلـيـنـه  حـسـيـن واجب ينذكر دوره
مــر إبــقـبـره مـره شـاهـده و زوره
و إسـمـع قـصـتـه و خـل يحجي عاشوره
قـائـد يـنـطـي دمـه شـنـهـو منظوره
و  لـيـش إسـمـه بـقـه يـتوازه وي نوره
تـعب و إنطه الثمر تعبه ...بنه إبطف كربله كعبه
قـسـم  بالحارب إبسيفين...ما تقطع دمعها العين
******
شـعـاع الـكـون سـبـط الـمصطفه إسمه
و  عـلـه إشـفـاف الـشعر ينشد رفض دمه
مـقـام الـرحـمـه حـل بـكـربله جسمه
شـفـيـع الـمـذنـبـيـن و مـقصد الرحمه
إذا جـبـريـل جـان إبـمـهـده و إيـخدمه
شـريـد  أحـجـي  و أسـولف عن أبو اليمه
حـسـين  من  العرش آيه...يرف إبكل زمن رايه
عـلـيـنه  إشما تمر إسنين...ما تقطع دمعها العين
******
طـاري حـسـيـن هـو يـحـرك الـمـدمع
و  لـو مـا بـالـقـلـب جـا قـلبي يتقطع
صـور مـن الـحـزن بـعـيـونـي تـتجمع
جـبـل  مـن الـصـبـر شـايل طفل يرضع
راس  إعـلـه الـرمـح صـورة دمه و مصرع
وداع  الـرايـح  و لـعـيـالـه مـا يـرجع
الـيـنشد عن دمع عيني...يجي و يشاهد إحسيني
يـعرف هالدموع إمن إنين...ما تقطع دمعها العين