روح الله وياك (مكتوبة) - حمزة الصغیر الکربلائي

للشاعر : المرحوم الشيخ كاظم منظور الكربلائي

 

روح  .......  روح  الله اويــــــــاك
ارشد  يا  جاسم نيتك ...... والعمك اوفي ذمتك
روح  .......  روح  الله ا ويــــــــاك
*******
طـلـعـت  مـن الخدر رمله بگلب يتطاير محنه
عـالـشـبـاب الـمـاتـهنى بعرس وبجهد تهنى
و فرت المعصب وصاحت لاهي صيحه ولاهي ونه
ويـن  الـيـرد لي لهفتي .... وين الينشف دمعتي
ويـن الـيـهيج بنخوتي..... وين البوجهي تچنه
ويـــن... ويـــن ولـــدي ويــن
هـا  هـا يجاسم همتك .... والعمك أوفي ذمتك
روح  .......  روح  الله ا ويــــــــاك
******
تـديـر بـعـيـون الموده الطامعه بشوفة ولدها
ولـن تـشوف هلال وجه الجاسم تشعشع بحدها
وضـمـته  بگلب  الوداع وبالوداع انطر چبدها
وصاحت  يمن لمك ذخر ..... يكفيني برباك الأجر
والصبر عالبلوى الصبر .... يولدي وأمك گصدها
الـكـون .... تـجـبـل عـلـى الـكـون
واظـهر  الدينك نصرتك ... والعمك أوفي ذمتك
روح  .......  روح  الله ا ويــــــــاك
******
صـد عـلـيـها بعين همه وگلب متجلد بصبره
وصـاح عـد عـيناچ يمي يهون يوم الكون أمره
كـون اسـجـل لچ كـرامه بقائمة أمي الزهره
من  آخذ بثار إخوتي ..... وصاحت يفرحة چبدتي
عـرسك يجاسم منوتي ... خل يظل بالگلب جمره
يــهــون .... وفــراگك يــهــون
روح  إطلب  بثار إخوتك ... والعمك أوفي ذمتك
روح  .......  روح  الله ا ويــــــــاك
******
جـدمـت  مـهـره  وتخيل چنه حيدر من تخيل
ورمـلـه تـتـمـثـل ثمرها والحسن الها يتمثل
وسـيف  من  سيوف هاشم لانتصار الدين منسل
والـولـد  لو مثل هله .... يجمع صفات الكامله
بـعـيـن اليربيه يحلا .... وهلهلت والدمع منهل
بــيــه .... وتــعــلگت بــيــه
عـزت  يجاسم شوفتك .... والعمك أوفي ذمتك
روح  .......  روح  الله ا ويــــــــاك