طاحن الجفوفه الوفه للشرف والع (مكتوبة) - حمزة الصغیر الکربلائي
منذ ١٣ سنة٣٣٦مشاهده
للشاعر : المرحوم الشيخ كاظم منظور الكربلائي
لــمـن طـاح مـن جـفـك عـلـمـنـه
لــن الـخـيـل والـنـار بـخـيـمـنـه
ريـتـك عـدل وتـشوف.... ياحامي الضعينه
******
شلون صيحة حزن صاحت من گلب مجمور لاهب
زيـنـب الـكـبرى تراني هيا يا حادي الرجايب
بـالـضـعن سالف ياحادي وإنزل بدار النوايب
مـن نـزلوا بطف كربله .... گبر صريخ العايله
ويـن النزل صار وهله .... وين حنيت الگرايب
يــا عــبـاس مـن عـفـتـك رمـيـه
گلــبــي ويـاك بـأرض الـغـاضـريـه
ويـدور عـلـى الـجفوف..... ياحامي الضعينه
******
مـن طـحت دون الشريعه وطاح من جفك لوانه
هـجـمـت الخيل إدهشتنه حرم والعسكر ولانه
والـمـخـيـم نـار وجـر والنهب صار بحمانه
الله الله شـجـرى.... بـعـيـالـك المتخدره
لاخـيمه عدنه ولا ذرى .... ريت عينك لا ترانه
والـنـار إگلـبـت خـيـمـه عـلى خيمه
ويـطـيـح الـيـتـيـم عـلـى الـيـتيمه
ونـتـراجـف من الخوف..... يا حامي الضعينه
******
آه والآه شـيـبـرد مـن جـمـر گلبي التعطب
لـو جـنـت يا گمر هاشم عدل ما تنهان زينب
عـالـيـتـاماكم نشاجف والسياط عليها تلعب
ظـهـرية الحادي عشر.... سبي الفواطم من سدر
مـن العليل إخذ الخبر... شلون بالسلسله تعذب
بـجـيـده الـجـامـعـه يـحـفـر زردهـا
وسـبـي الـعـايـلـه لـروحـه مـردهـا
وعـلـى الـنـاگه مجتوف..... ياحامي الضعينه
******
ارد اسولف لك وخاف الجم صواب الماذي عينك
صحت بأرض الكوفه صيحه ياجفيل الضعن وينك
گوم شـوف مـخـدراتـك وإنـظر لحالة بنينك
مـن الـسـيـاط ملوعه... ومن الجتل متروعه
ومرعوبه من الفاجعه..... إي وحگ گطعة يمينك
سـيـف الگص يـمـيـنـك گص يـمـيـني
وسـهـم الـمـرد عـيـنـك مـرد عـيـني
ومـثـلك فاجده الشوف..... يا حامي الضعينه
******
هالله هالله شـلـون ساعة خطر مرت عاليسارى
وگلـبـي خـايـف عالعليل وأبد ماياخذ قراره
مـن سـمـع من گال زينب توگف بقصر الإماره
بـحبال دهري تجتفت.... مابين الأجناب وگفت
وإنـصبت والله إنصبت..... سهم ماله دواه جاره
والـيـنـصـاب بـسـهـام الـشـمـاتـه
أبــدا بـعـد مـا يـضـمـن حـيـاتـه
وعـمـر الـدهر مگصوب..... ياحامي الضعينه
******
والـدرب كـله على بالي جنت يا حامل ضعينه
أذكـر أيـامـك وگلـبـي جمر يتلاهب حنينه
والـعـيـال تـصـيح وين العلم والعباس وينه
أحـا يـا جمرة مصرعه.... وجفوف زوده مگطعه
وظل نايم على المشرعه ... وعگبه ما يدري إنسبينه
وعـيـالـك تـصـك صـوت الـمـصـيبه
يــاعـبـاس گلـب إخـتـك لـهـيـبـه
يـتـواگد ومـلـهـوب..... ياحامي الضعينه
التعلیقات