ليش احسين متكسر اضلوعة (مكتوبة) - حمزة الصغیر الکربلائي

للشاعر : المرحوم الشيخ كاظم منظور الكربلائي

لـيش حسين متكسره ضلوعه ......مخوصر عالنهر تهمل دموعه
مـصـرع صـاحـب الـجـود...... لـضـلـوعه حناها
******
چنـي بـحـسـيـن يـتـمـثـل غـربـته وحيرت عياله
وچنـي بـالـعـبـاس لـمـن لـوح مـتـون الاخـيـاله
وشـفـت  جـود وبـيـد طـفـله وگصدت العمها بجلاله
وشـاهـدت حـرمـه مـخدره ..... صاحت يبو فاضل تره
جـتـك سـكـيـنـه مـحيره .... والعطش كل چاره ماله
والـعـبـاس يتمثل عضيده .... وسكنه علگت روحه بوريده
ومـنـهـا  تـنـاول الـجـود ..... لـضـلـوعه حناها
******
أخـذ مـنـهـا الـجـود لاچن ظـايگ مـن الصبر صدره
يـصـعـب  عـلـيـه الـفـواطم تجذب على الماي حسره
مـايـهـم بـالـمـاي گلـبـه يـمـتـثـل لحسين امره
صـد لـبـو الـسـجـاد بـورع .... نـاداه دلالي إنگطع
حـي آنـه والـمـاي إنـمنع ..... إرخصني يا مهجة الزهره
صـاح  حسين أدري بالفواطم .... چاتلها الظمه يا گمر هاشم
خـوفـي  تـروح مـاتـعـود .... لـضـلـوعـه حناها
******
صـاح الـحـسـيـن عـلـى زيـنـب نشفي دمعة سكينه
وگام  يـتـمـثـل عـضـيـده ويـصـد لـيساره ويمينه
يـدري  لـوطـاح چفـوفـه يـطـيـح صـيوان الضعينه
وشـاهـدت مـصـيـوبه بسهم .... زينب تحوم على الحرم
وتـصـيـح لـو طـاح الـعـلـم ... طوح الحادي بسبينه
وگلب حسين ملهوف على خيه .... ويشاچف رمي سهام المنيه
والـمـوقـف الـمـشـهـود .... لـضـلـوعـه حناها
******
وصـاح  يـا  كـبـش الـكـتـيـبـه ويا چفيل الفاطميه
إقـتـضـت  لـلـمـعـبـود حكمخ كون أسلمك للمنيه
تـدري  شـيـصـيـر عـلـى زيـنب فگدك وينگطع بيه
وإنـت عـلـيـم ومـطـلـع .... بچفـوفك اللي تنگطع
إنـدبـنـي لـمـن تـنـصـرع .... وانه أجيك شلون جيه
إعظامي منحله ومكسور ظهري .... والحسرات تتواگد بصدري
وهـاذي  حـنـيـتـي شـهـود ..... لـضـلوعه حناها
******
مـوقـف حـسـيـن وعـضـيـده زلـزل الـعالم رهيبه
ومـثـل گلـب الـحـره زيـنـب صـوبت گلبي المصيبه
عـمـت  عـيـنـي ولا تـشـوف وداع حـبوب وحبيبه
ومـا  ادري بـحـسين إشصدر .... من طاح أخوه على النهر
ونـاداه أدركـنـي وحـضـر ..... وخضب من ادماه شيبه
شـافه  مگطع  وتنزف جروحه .... وحده يجود وينازع بروحه
مـن ضـربـة الـعـامـود ..... لـضـلـوعـه حـناها
******
وطـاح  حـسـيـن عـلـى جسمه هالله هالله شلون طيحه
وصـرخ خـويـه إنـكـسر ظهري وللخيم وصلت الصيحه
شـاف الـصـواب الـمـضـهـده وراد مـن سـمه يريحه
جـر  سـهـم  الـبعينه بورع ..... ويه السهم تدري إشطلع
سـبـاح الـبـعـيـنـه إنگطع .... وفاضت ادموم الجريحه
ومـن  غمض  حسين عيون أخيه.... يا إيد السبلها على الوطيه
شـاهـد گطـع الـزنـود..... لـضـلـوعـه حـنـاها
******
فـاضـت  الـعـبـاس روحـه ورد ابـو الـسـجاد مجهد
يـريـد يـتـلاحگ حـريـمـه وعـلى الخيم لا يظل مبعد
وصـاحـت بـوجـهـه الـعـقـيله خويه شو رديت مفرد
نـاداهـا لـمـي الـعـايـلـه ..... راح الـخدر والكافله
وحـلـت  مـصـيـبـة  كربلا .... ومصرع العباس شاهد
خـلـي  عـيـالنه تحس بيسرها....وكل مخدره تودع خدرها
سـاعـه  وصـار فـرهـود .... لـضـلـوعـه حـناها