محل قرايب هليوم (مكتوبة) - حمزة الصغیر الکربلائي

الشاعر : المرحوم الشيخ كاظم منظور الكربلائي

 

مـحـلى الگرايب يوم ...... تتناخه عالملزوم
والــيــثگل  يــشــيــلــونـه
******
هـاشـم سباع الكون .... هاجت بيوم النبيه
صاحت بوجه الكون .... وأخذت الكون الهيبه
وتـصـوب  المسكون ..... منهم بسهم الريبه
حـمـل الگرايـب يوم ..... بيه العمام تقوم
والــيــثگل  يــشــيــلــونـه
******
عـند  الحمايل  هاي .... عاده وسنن مشروعه
لـو  سمعت  النخاي .... تفزع تسچـن روعه
تـتبع  عجيد  الراي .... تسري السريه بطوعه
تـتبع  هوى الجيدوم .... لو هبت على الگوم
والــيــثگل  يــشــيــلــونـه
******
هـاشم  نعم من گال ... هاشم يا حي طاريها
هـاشـم  ويا  حي فال ... هاشم وباس البيها
هـاشـم  ذچـر عالبال .... ما ينكر ماضيها
وأخـذت  بـغـالي السوم ... بالغانمات علوم
والــيــثگل  يــشــيــلــونـه
******
هـاشـم بـحد الباس .... نشرت علم للهمه
والـيـثگل  على  الناس .... يوم الثجيل تزمه
ولـو رف لـوى العباس .... شمل العمام يلمه
لـلـواجـب المرسوم ..... هاشم تبيح دموم
والــيــثگل  يــشــيــلــونـه
******
هذا السمت والشان .... والف مچـارم هاشم
وانـحـفـظ بـالوجدان ... والبيه تحفظ غانم
وهالسمت  والإحسان .... عضد بعضد متلازم
والـلـي  تـود وتروم ... هالعز تدوس اللوم
والــيــثگل  يــشــيــلــونـه