هاي دار امي وابوية (مكتوبة) - حمزة الصغیر الکربلائي

للشاعر : المرحوم الشيخ ملا حسن الكربلائي

هـاي  الدار دار أمي وبويه..... خالي مچانهم ومچان أخويه
لارديــت  لـلـدار.... وبـعـيـنـي شـفـتـهـا
******
زيـنـب الـكـبـرى تـنـادي لـلـوطـن عود ضعنه
جـيـت لـلـدار وشـفـتـهـا مـوحشه وخالي نزلنه
صـحـت ويـن أهـلـي وخـوتـي گوضو يادار أهلنه
يـادار  اشـوفچ مـظـلـمـه... بـيچ الأحـزان مخيمه
لاسـور ظـل ولا حـمـه.... حـرم جـينه لوطن جدنه
خـلـيـت  أخوتي بالغاضريه..... كلها مجزره بسيوف أميه
والـسـبـعـيـن  الأنـصـار..... وبـعـيـني شفتها
******
شـلـون روحـه شـلـون رده لـلـوطن ردت ضعوني
مـن طـلـعـنـه مـن الـمـديـنه والضياغم يحرسوني
نـصـبـوا  بـالـطـف  خـيـمـنـه والهواشم نزلوني
عگب إخـوتـي وذيچ الـزلـم... وذيچ الـنشامه والحزم
مـا بـيّـه هـمـه ولا عـزم..... عگب أخوتي الفارگوني
بـلا  ولـيـان ردت هـالضعينه.... بالأحزان طبينه المدينه
غـابـت  ذيچ الأنـوار..... وبـعـيـنـي شـفـتـها
******
لـدارهـا  طـبـت وشـافـت دارهـا يـرهب وضعها
لا ولـيـف تـشـكـي لـه هـمـها الدهر بخوتها فجعها
مـن تـصـد عـلـى الـيـتـامى تشوفها ويجري دمعها
أطـفـال  مـفجوعه وحرم..... كل وحده مصيوبه بسهم
والـحـيـل مـن عـدهـا انـهدم.... والها ومحني ضلعها
مـصـيـوبه بيتاماها وچبدها.... المن تشتكي همها اوجدها
نـار وتـسـعـر بـنـار..... وبـعـيـنـي شـفـتها
******
تـكـفـلـت  زيـنـب الـعيله وهي اللي ترعى الكفاله
بـكـربـلـه  مـن حـسـيـن أخوها بيدها سلم عياله
تـصـبـر الـعـيـلـه بـصبرها لو تسكت بچي اطفاله
چم عـيـن عدها وچم گلب..... ترعى الحرم طول الدرب
لاتـطـيـح وحده من الركب.... گلب بت حيدر شحاله
لـومـن  صـخر يتفسر گلبها..... نادت والمدامعها تصبها
بـولـيـان الـفـلـك دار.... وبـعـيـنـي شـفتها
******
گاعـده  الـلـي تـرد مـثـلـي فـاجده اخوتها وزلمها
تگوم تـسـتـقـبـل ضـعـنـهـا گومها واولاد عمها
تـحـتـرمـهـا وتـسـلـيـهـا وتـسد خلتها وتلمها
وانـه لـفـيـت لـمـنـزلي.... ولگيته من گومي خلي
لامـن  عـمـام ولا هـلـي... لـلـيـتامى يحضر يمها
خالي من الزلم ديوان أخوتي..... ماغير الصدى يرد على صوتي
إنـصـاب  إنـصـاب مـاصـاب.... وبـعـيني شفتها
******
لـلـيـتـامـى  لگبـر  جـدهـا زيـنب أخذتهم بديها
والـحـريـم تـعـدي ويـاهـا دموعها تسح على خدها
عـالگبـر طـاحـت تـنـادي وگامـت تـحشم بجدها
حـنـت اونـت عـالگبـر.... ودمـوعـهـا تجري حمر
بـحـشـاهـا  يـتـواگد جمر.... ويشب چانون بچبدها
يـاجـدي دشوف شلون حالي..... ياجدي لفيت بغير والي
يـاجـدي  الـدهـر جـار... وبـعـيـونـي شـفتها
******
غـدت  تـشـرح لـه الـمـصـايب للنبي وحدة وحده
يـاجـد انـواع الـشـدايـد شـفـنـه شده بأثر شده
يـاجـد  شـفـت  حـسـين أخويه وسهم المثلث بچبده
لـمـن عـلـى الـغـبره إنصرع.... عامود خيمتنه وگع
مـن  ظـهـره الـمـثـلث طلع..... گطع دلاله وتعدى
يـاجـد  والحجر صوب جبينه.... ياجد والشمر حز الوتينه
وسـحگت جـثـتـه الأشـرار..... وبـعـيـني شفتها
******
يـاجـد عگب حـسـيـن أخـويه الخيل غارت فرهدتنه
يـاجـد لـخـيـمـنـه حـرگوهـا گوم سفيان اولتنه
يـاجـد  والـولـيـان نـومـه عـلى الثرى من يسرتنه
وعـلـيـلـنه  فوگ  الأرض..... مرمي ونحيل من المرض
مـن  عـلـتـه صـوتـه إنخفض..... والعدا ياجد سبتنه
مـحـتـاره بـعـلـي وبهاليتامه.....والوليان عالغبره نيامه
وعـلـيـنـه  الـفـزع  صـار.... وبـعـيـني شفتها
******
يـاجـد ريـت تـشـوف عينك من حدى حادي الضعينه
شـالـوا عـلـى الـرمـح راس حـسـين حامينه اولينه
وجـثـتـه بـلادفـن ظـلـت ياجد بأرض الطف رهينه
جـثـة الـوالـي على الترب.... وراس برمح يبرى الركب
ومـن       الـچـبـد      دمـعـي      يـصـب....