يحجي القلب واحجله ليلة وداع ل (مكتوبة) - حمزة الصغیر الکربلائي

قصيدة : يــحچي الگلـب واحچيـلـه

الشاعر : المرحوم الشيخ كاظم منظور الكربلائي

الرادود : المرحوم الحاج ملا حمزة الصغیر الکربلائي

يــحچي الگلـب واحچيـلـه.... لـيـلـة وداع الـلـيـلـه
يـحـسـيـن شـتوصيني..... سهم الفراگ بعيني...ليلة وداع الليله
******
بـت  فـاطمة بخيمتها..... من حسبة تشيل حسبه .... للحاله تتمثلها
وتـكـفـكف  براحتها.....  بدموعها المنسچبه ..... وتصبّر بمنهجها
أدركـهـا  نـور إخوتها..... من حسرة الملتهبه..... واليها والكافلها
صـاحـت هـلا بـهـالـجـيـه..... وانـه أعـلـم بـهـالنيه
مـن  نـشـئـتي  وتكويني.....سهم الفراگ بعيني...ليلة وداع الليله
******
صـد الـحـسـيـن لزينب... ويناشد المحجوبه... شوصّوچ أهلنه بيّه
وصّـونـي كـون أتـأهب.... أنسج لخدرچ ثوبه... يالبخدر مچسيه
خـل  نگعـد ونـتحاسب.... شمطلوب وشمطلوبه.... ونتغنم بصافيه
صـاحـت حـسـابـي جـمـعـتـه.... وعـلـى إخوتي قسّمته
صـفـّيـنه  ومصفـّّـيني....  سهم الفراگ بعيني...ليلة وداع الليله
******
صـدت لـبـن والدها.... وما غيّرت بشرتها... وتگله هونك هونك
عيالك گلب ما عدها.... وتغيّرت حالتها.... بهيده إحچي لا يسمعونك
فراگك تره يضهدها..... وخل تغتنم راحتها..... وانه عرفت مضمونك
وآنــه  الألِــم عـيـالـك.... عگبـك وربّـي اطـفـالـك
شـعـنـدك بـعـد وصّيني... سهم الفراگ بعيني...ليلة وداع الليله
******
ماني إختك وعد عينك..... هالحال من يتغير.... لعيالك أفدي وجودي
لـوحـال  بـيـني وبينك.... أمر العلينه مگدر... ماگصر بمجهودي
والـتـزم عروة دينك.. ومشي بوصية حيدر... مگصودك ومگصودي
گلـبـي  الـتـغـنـم صـبـره... مـن در ثـدايـه الـزهـره
وبـحـبـك مـغـذيـني..... سهم الفراگ بعيني...ليلة وداع الليله
******
الله لـمـن صـدّت لـلـحـارس المايخمل... صار الحچي من المدمع
گلـوب  المحنّه  إنفجت... صار العتب يتناگل... واعتب الكفاله المطلع
وإيـد  الـوداع إنمدت... والهم ثگل ما ينگل... وگلب الحسين تگطع
ويـصـيـح  أخـوچ شـبـيـده... عـتـبچ صـعـب ويچيده
وانـه  اصـبـر  وعـاتبيني.... سهم الفراگ بعيني...ليلة وداع الليله
******
يابن  أمي  هاي الساعه..... ساعة وداع وخطره.... ورمي النوايب بيها
وبـمـهـجـتـي لـذاعه.... من المفارگ جمره.. بالعتب خل نطفيها
وعـيـالـك الـمـرتاعه... وأمرك وأمري وأمره... للباري مودعيها
چنــي أشــوفـك ظـامـي... تـنـذبـح نـحـرك دامـي
وذبّـاحـك  الـيـسبيني.... وسهم الفراگ بعيني...ليلة وداع الليله
******
حـبـل  الـيسر  هاوينه.... ناظر دليلي يشوفه..... وعيالك مچتفيها
وچن  الـدهـر سـابينه.... طبّت سبايه الكوفه... وچتـّالك يباريها
وبـالـعـلگوم  مرّينه... حامل ضعينه چفوفه .....عالمشرعه مگطعيها
روح أوفــي ذمــة عـهـدك... واحـفـظ رسـالـة جـدك
مـابـيـنـك ومـابـيني..... سهم الفراگ بعيني...ليلة وداع الليله