حنيتك حنيتك هاك اخذ حنيتك (مكتوبة) - حمزة الصغیر الکربلائي
منذ ١٣ سنة٣٦١مشاهده
للشاعر : المرحوم الشيخ كاظم علي الكربلائي
حـنـتـك حـنـتـك ..... هـاك إخـذ حـنتك
يـالـمـجـبـل عـلـى الـجـنه... وانه بدماك أتحنه
هــــاك إخــــذ حـــنـــتـــك
******
چنـي بـعـصـريـة عشر من عاشور...... بالغاضريه
وشفت الضحايه تنور ظنيت بدور ........ فوگ الوطيه
ورمـله على بنها تنادي والعين تفور ..... رحت من إديه
مـهـجـتـك مـهـجـتـك.... دمـي لبمهجتك
وجـروحـك الـنـزفـنـه...... وانـه بدماك أتحنه
هــــاك إخــــذ حـــنـــتـــك
******
عـيـني العمى ولاچنت اشاهد حالة .... رمله ويه بنها
تـصرخ وصرختها بلهيب الحسرات...... مشعل حزنها
الله يـعـيـن الـذاخـره لـلشدات.... وانگطع ظنها
عـمـتـك عـمـتـك.... خـل تـظـل عـمتك
تـجـذب عـلـيـك الـونـه.... وانـه بدماك اتحنه
هــــاك إخــــذ حـــنـــتـــك
******
مـاچنت شايف نار فگد المحبوب ....... بالطف شفتها
من شاهدت رمله على جسام تلوب ...... روحي امردتها
نـوبـه تـعـثـر نوبه تگع عالمصيوب..... من نايبتها
زفــتـك زفـتـك...... عـرسـك وزفـتـك
بـدار الـخـلـد وتـهـنـى.... وانـه بـدماك اتحنه
هــــاك إخــــذ حـــنـــتـــك
******
مـا چنـت شـايـف والده تتمثل ......مصرع ولدها
بـس گلب رمله على الشباب تحمل.... سهمه الضهدها
وشـافـت ولـدها بالسيوف إمثل.... وحاچت چبدها
حـسـرتـك حـسـرتـك ...... حزنك وحسرتك
لـب الگلـب صـابـنـه... وانـه بـدمـاك اتحنه
هــــاك إخــــذ حـــنـــتـــك
******
وشـلـون حـنـيه ضلوعها محنيه .... وحسرة گلبها
بـالـظـلـوع وروحـهـا الـمـبليه.... تشغر لربها
وعـيـونـي مـثـل عـيـونها مدميه.... ينزم مصبها
نــومــتـك نـومـت... فگدك ونـومـتـك
ظـلـع أمـك الـكـسـرنـه.... وانه بدماك اتحنه
هــــاك إخــــذ حـــنـــتـــك
******
مـا چنـت شـايف معرس ويتهنه..... بچاس الشهاده
ومـن شـفـت جـاسم بالطفوف تحنه... بدم السعاده
وگلـبـي بـصـبـر رمله تاكد ظنه..... وزاد إعتقاده
طـيـحـتـك طـيـحـتك...... عالترب طيحتك
وصـبـري بـوفـاك تچنـى... وانـه بـدماك اتحنه
هــــاك إخــــذ حـــنـــتـــك
******
وشـلون شوفه شفت رمله وجسام ..... فگست عيوني
مـن چانـت تـودعـه تگله بسهام.... فگدك رموني
وإنگطـع گلـبـي بينك وبين الشام.... ساعه وسبوني
جـثـتـك جـثـتـك.... مـن تـظـل جـثتك
وبـلا دفـن يـامچنـه..... وانـه بـدمـاك اتـحنه
هــــاك إخــــذ حـــنـــتـــك
التعلیقات