يبن امي قطع قلبي (مكتوبة) - حمزة الصغیر الکربلائي

الشاعر : المرحوم الشيخ كاظم منظور الكربلائي

يـابـن  أمي إنگطع گلبي ...... وعيني ظلت ربيه
ويـن  الـعـلم وين الجود .... وين چفوف راعيه
******
زيـنـب عـلى التل تصيح .... لحد يا حمات الجار
عـلينه حرگوا خيمنه ...... وبينه ما دريت شصار
ويـن  الـلـي  تطفي النار .... بالنار وتشب النار
ويـن الـمـاتـلمها دروع .... وين الماتهاب جموع
ويـن        الـمـاتـعـرف        الـــروع
ويـن  مـدربـة  حـيدر .... وين التحيي ماضيه
******
شاطت  للمعاره تريد .... تدور جسم اخوها حسين
نـوبـة  تـعثر  نوبه تگوم .... ما تندل دربها منين
متگللي شتشوف العين .... لو فگدت اصبيها العين
وظـلت بالمعاره تحوم ..... وعالغبره تشوف جسوم
رمــيــه  مــغــســلــه بـدمـوم
والـريـح  بـعـجاج  الخيل ..... چفنهم ابذاريه
******
ومـن شافت وريد حسين .... مگطوع ويسح دمه
إنغشى عليها وهوت فوگه .... وبمجرى الدمه تشمه
تگلله  سهم  البگلبك .... شعل گلب إختك بسمه
يـهـل  نـايم على الغبره .... ودم طبره بأثر طبره
جــســمــك مــن ســحگ صـدره
وظـهـرك  يـا بـعد عيني ... ليش ضلوعه محنيه