سهم النايبة (مكتوبة) - باسم الكربلائي

القصيدة : سهم النايبة
 الشاعر : كاظم منظور الكربلائي

الرادود : الحاج ملا باسم الکربلائي

 

سهم النايبه بعيني وين اللي يدليني
درب المشرعة منين
يا قطعة الجفين
سهم النايبة بعيني
******
عن لسان الحال أخبرك
يالتناشدني على زينب
مصابك من الشاطي حربة
و قلبي و قلبك تصوَّب
مثل ماقال أبو اليمة
ماعمل محتوم مَعتَب
زينب بإسم رب الإبة
و بسيوف أهلها محجبة
أمست غريبة مسلبة
وبخيمها النار تلهب
تصفق وِسَف بيديها
من خان الدهر بيها
طفّى شمعة العين
ياقطعة الجفين
******
نايبات الدهر ترمي
و بقلب زينب رميها
زينب بعصمة الزهرة
تشكف سهام التجيها
سهم وادي الغاضرية
صابها بذبحة وليها
الله من ذاك السهم
صيوان عزّتها انهدم
عالشاطي من طاح العلم
مضى صواب الدهر بيها
بعد اشتنشد عليها
من عقب الميامين
ياقطعة الجفين
******
شرد أقول بقلب زينب
ورع متدرع بصبره
بعينها تشاهد وليها
و الشمر يقطع بنحره
من عقب حزّة وريده
تلعب الخيل على صدره
و تشوف جثته مخذمة
ومغسلة بفيض الدما
عالصبر زينب كاظمة
و الصبر من ثدي الزهرة
زينب هذي قسمتها
تتحنى بدما أخوتها
من ساعة التكوين
يا قطعة الجفين
******
أمست بليلة الحادي
عشر و تشاجف مرامي
لاخدر لا خيم ظل
ولا جفيل و لا محامي
بس ارامل و اليتامى
و العليل الجفنه دامي
و عيون زينب ساهرة
و أمر العيال اتدبره
براعي العلم متأثرة
والقلب مجمور دامي
ماقصِّرت همتها
و لا هانت مصيبتها
بنت سيد الكونين
يا قطعة الجفين
******
قضت شوط الغاضرية
وشدَّت الحيل لسفرها
أمست و أصبح عليها
الشام والكوفة وخِطرها
شوف همة قلب زينب
حيَّر العالم صبرها
روح العقيلة مقطعة
و عند العليل مودعة
تنشف جروح الجامعة
وسلسلة متنه أثرها
و راس حسين وياها
براس الرمح يرعاها
و تصيح الخواتيم
يا قطعة الجفين
******
شدّة الكوفة قضتها
و قطعت دروب و منازل
عين تربي على اليتامى
و عين تربي على الأرامل
نوب يتوجه قلبها
على الحِمَل ثقل السلاسل
جم روح عدها و جم قلب
ترعى العيال بهالدرب
زينب و مدمعها يصب
للعليل الجسمه ناحل
و الشام و نِواحيها
من صدت لأهاليها
شافتهم امعيدين
يا قطعة الجفين
******
يالعلي و الله شهظمية
صعبة يا صاحب الغيرة
توقف بديوان زينب
بين الأجناب ويسيرة
لا حِمَل يحمي حماها
ولا عمام و لاعشيرة
الله شهظم و تشاهدت
جور و ظلم
والينولي بولية خصم
يصبر و صبره مصيره
و يزيد شقوى عينه
شال السوط بيمينه
يضرب راس الحسين
يا قطعة الجفين