مولاي علي (مكتوبة) - باسم الكربلائي

قصیدة : مولاي علي خير ولي
الشاعر : السيد سعيد الصافي الرميثي

الرادود : الحاج ملا باسم الکربلائی

مولاي علي خير ولي ... فارس خيبر
برجاك بحماك ... في ساعة المحشر
******
لمن صحت حامي الحمة حيدر علي مولاي
نعم الولي ارض وسمة كامت تصيح وياي
حبك علي بمسرة الدمة يجري بجميع اعضاي
بيك انتخي بكل موزمة ساعة عسر دنياي
امنت بك حب لك ... لا يتغير
برجاك بحماك في ساعة المحشر
******
حبي الك عن معتقد من عالم الاصلاب
بسمك لهج من المهد كلبي بمحبتك ذاب
عن هيبتك واحد احد يشهد يا داحي الباب
وبكل حرب طبعك اسد يمفرق الاحزاب
حسمك كم ضربة حسم ... سيفك حيدر
برجاك بحماك في ساعة المحشر
******
نص النزل عن بيعتك بيه بلغ المختار
انت الوصي والنكرتك شتجاوب الجبار
والبايعك والوالتك فازت ياحامي الجار
يابة الحسن وبيمنتك جنة عدن والنار
الحق معك من خذلك ... انه يخسر
برجاك بحماك في ساعة المحشر
******
مثلك علي بين البشر بالدنية ما موجود
دين النبي بيك انتصر واسمك حليف الزود
عن موقفك طول الدهر يابة الحسن مشهود
تقوى وعلم زود وفخر عدل وكرامة وجود
من مثلك من كان ولن ... مثلك يظهر
برجاك بحماك في ساعة المحشر
******
حن الكلب والحضرتك من البعد صديت
طال البعد لزيارتك يابة الحسن حنيت
يمتة الفرج ولشيعتك يلتم شمل ياريت
رايد كبر يم كبتك بجورك تمنيت
من غيرك لي يا املي ... والد شبر
برجاك بحماك في ساعة المحشر