ناعي الموت (مكتوبة) - باسم الكربلائي
منذ ١٣ سنة٦١٠مشاهده
قصیدة : نــاعــي الــمـوت
الشاعر : الأديب الحاج جابر الكاظمي
الرادود : الحاج ملا باسم الكربلائی
نــاعــي الــمـوت صـاح و نـعـه الله مـن هــالـفـاجـعـه
راح ابـن عـم الـنـبي و الأجل حل ميعاده خـلف النعش ناعي الحزن بالحزن صاح و ناده
الـيـوم انـفگد عـقد الوله و اتيتموا اولاده و ابـتـدت نكبات الدهر من لحظة استشهاده
زيــنــب هــاي مــتــصـدعـه الله مـن هــالـفـاجـعـه
*****
مـن بـعد جدها المصطفه من بعد أمها الزهره مـا جانت اتحس بيتم و لا تدري شنهي العبره
لاجـن فـقـد حامي الحمه بالقلب تارك جمره اتـفـكـر بـوالـدها علي الليله ينام ابگبره
اتــصــيــح بــروح مـتـلـوعـه الله مـن هــالـفـاجـعـه
*****
امـن الـدار طلعت فازعه اتفت الصخر ممشاها تمشي و تصد اعله النعش و الحسن يمشي اوياها
و احـسـين اخوها لو بجت يمسح دمع عيناها و الـشـالـوا اجـنازة علي محد وگف تاناها
صــاحــت ويــن يـالـمـسـرعـه الله مـن هــالـفـاجـعـه
*****
ريـض يـشـيـال الـنعش گبل الدفن تانيني لا تـحـفـر اتـراب الگبر گبره حفرته بعيني
و انـجـانـك حـافـر لحد وين اللحد دليني نـزلـنـي يـم جسم الأبو بنفس الگبر خليني
جــفـن الـعـيـن صـب مـدمـعـه الله مـن هــالـفـاجـعـه
*****
مـن گبـل عمر المرتضه ياريت يخلص عمري مـن بـعده شيفيد العمر و اتيتمت من زغري
يـا دار ابـويه الموحشه و يا دمع عيني اليجري اشلون أرجع الداره و أطب ياريت أطب الگبري
راح الـراح شـيـرجـعـه الله مـن هــالـفـاجـعـه
*****
بـمـصـيـبة أمي هالدهر فت مهجتي و ألمني دهـر الـغـدر بنت النبي اشلون أنتظر يرحمني
مـن بـعـد أمـي فـاطمه رايد بعد يهضمني فـاجـأنـي بـمصاب الأبو و من الزغر يتمني
هــذا الــصـوت مـن يـسـمـعـه الله مـن هــالـفـاجـعـه
*****
نـاديـت بـويـه يا علي جمرة مصابك تلهب جـنـت بـحماك امدللة صرت اليتيمه زينب
هـالـحـكمه يا بويه اقتضت من الزغر أتعذب لـو أدري تـرجع بالنحب ليلي و نهاري أنحب
روحــي اعــلــيــك مـتـروعـه الله مـن هــالـفـاجـعـه
التعلیقات