الدهر عقبك
قصیدة : الـدهر عگبك غدر بينه
الشاعر : الأديب الحاج جابر الكاظمي
الرادود : الحاج ملا باسم الكربلائی
الـدهر عگبك غدر بينه... يهادينه يهادينه
جرى المدمع.. اخذ و اسمع ..صدى العتره
ابدمع هامي.. القلب دامي.. و نفذ صبره
و أظن تدري.. بدمع يجري ..على الزهره
الـك نـعـرض مآسينه...يهادينه يهادينه
*****
بـفـجـايـعـنـه ..بمدامعنه ..رسمناها
نِـهِـل دمـعـه.. على البضعه..جريناها
بـقت تنعي.. انكسر ضلعي ..و سمعناها
اعتلت صرخة الصبر وينه... يهادينه يهادينه
*****
بـعـد نكشف.. الك موقف.. حزن أثَّر
لـفى الظالم ..شهر صارم ..و طُبَر حيدر
و أبـو الـحمله..بحزن خله ..الجفن يسهر
المُحِب يجري الدمع عينه... يهادينه يهادينه
*****
الـدهـر وسفه.. بحزن وفّه.. و عُبَر حدّه
الظلم خيَّم.. الحسن بالسم.. انقطع جبده
يـظل يمضي.. و لا يقضي.. الحزن بعده
الـدهـر تالي اشيراوينه... يهادينه يهادينه
*****
اخـتلف وضعي.. يِهِل دمعي.. لأبو اليمه
انـقطع نحره.. و على الغبره.. نِزَف دمه
الـدهـر شاهد ..و لا واحد ..حضر يمه
الـك نـبـعث تعازينه... يهادينه يهادينه
*****
بـقـيت أنشد.. و لا منجد.. أخذ ثاره
عـلـى إعياله ..على أطفاله.. لفت غاره
الـجـمـع مـلتم ..بالمخيم ..شعل ناره
الـدمـع يكتب مراثينه... يهادينه يهادينه
*****
عـقب چتله ..الحَرَم لأجله.. بحزن ناحت
قـضى الوالي.. الحَرَم تالي.. بيسُر راحت
بـمـصايبها.. و نوايبها.. بهضم صاحت
و لا كـافل حضر لينه... يهادينه يهادينه
التعلیقات