يا موت انشدك (مكتوبة) - باسم الكربلائي
منذ ١٣ سنة٤٦٤مشاهده
الرادود : الحاج ملا باسم الكربلائی
يـا مـوت أنـشـدك.... يا غايه عندك.... إكشف لي سرها
قـال آنـه قـاصـد.... لـلـزهـره رايد .... آخذ عمرها
******
إبهمي إرفعت من بيت الأحزان الصوت.... و صحت ابقلب متألم
اشـعـنـدك تـحوم اعله المدينه يا موت .... و ابيا أمر متوزم
الـوادم تـشيد اقصورها و تبني ابيوت.... و انت ابرهاوه إتهدم
إلـمـن تـريـد الـليله تصنع تابوت.... قال أم ضلع متهشم
جـيـت أرد أطـالـب.... أم الأطـايـب.... و أحفر قبرها
جـف الـفـجـيـعـه.... الـروح الوديعه.... آخذ عمرها
******
يـا مـوت من عندك أناشد و أسأل.... إبدمعي و لهيب الحسره
اشـعـنـدك اعله اوجوه البشر تتأمل.... و اتدور اعله الزهره
سـيـد الـرسل والدها و أشرف مرسل.... عترتها أطهر عتره
شـيـصـيـر لو عنها الأجل يتأجل .... و يوم الممات اتأخره
إرحـم يـتـمـهـا.... هـمها و هضمها.... لوعت كسرها
هـاك إمـحـي ظـلـي.... بـس لا تـقلي.... آخذ عمرها
******
يـا مـوت يـالـمـا بيك ذرة رحمه.... و ذاتك عطف ما بيها
إبـيـا نـايـبـه و يـا فاجعه و يا صدمه.... للزهره متعنيها
أم الـحـسـن بـضـعة شفيع الأمه.... اشعندك تحوم اعليها
يـا قـبـر إلـهـا الـلـيله جاي إترسمه.... و بيا لحد تخفيها
هـاي الـجـلـيـلـه.... الـحره الأصيله.... تعرف قدرها
أم الأكـارم .... لـتـقـلـي لازم .... آخـذ عـمـرها
******
أعـرف قـدرهـا و هـذي أم الأطهار.... أشرف نساء المله
آنـه الـمـمات و بيدي سلب الأعمار.... و الكل نفس أتوله
آنـه الـخـذت روح الـرسـول المختار.... و المرسلين القبله
و الـيـوم غـيـر إم الـحسن ما أختار.... عن أمري ما أتخله
مـا عـنـدي رحـمـه.... بـل عندي حكمه.... أتبع أمرها
أمـري تـقـرر.... لـلـزهـره أحـضـر.... آخذ عمرها
******
يـا مـوت الأسود شوفتك تغشي العين.... بنت الرسول إرحمها
إعـطـف عله العتره ابهجومك يا بين .... و للعتره لا تهضمها
اشـرايـد تـيـتم الحسن و اتيتم حسين.... و الزينب اتيتمها
هـالـلـيـلـه زينب وين تتوجه وين.... لو غيبت روح أمها
عـالـزهـره صـبـرك.... لا تبدي أمرك .... خلها ابقهرها
صـوتـك تـردد.... بـضـعـة مـحـمد.... آخذ عمرها
******
ابـهـذا الـشـبـح يـا موت لا تتوثب.... للعتره لا تاذيهم
صـد عالحسن وحسين و إنظر زينب.... و شوف البراءه البيهم
هـالـلـيـلـه لو وجه الوديعه إتغيب.... إبيا فاجعه إتوافيهم
نـارك تـظل بيهم تشب و تلهب.... و ضيمك يصب اعليهم
زيـنـب هـضـيـمـه.... تـصبح يتيمه.... دونك صبرها
كـل صـبـري نـافـذ.... وشناوي تآخذ.... آخذ عمرها
******
يـا موت أخذت المصطفه و جيت اليوم.... تاخذ حياة البضعه
و إنت الذي اتخضب علي إبسيل إدموم.... ابمحرابه انت اتصرعه
مـن بـعده شبله الحسن تسقيه إسموم.... جبده الحزين اتقطعه
و انـت التقطع جسم إخوه المظلوم.... إبوادي الطفوف اتوزعه
و الـنـوب أزيـدك.... لـلـعـتـره بيدك.... تقطع نحرها
إبـذيـج الـبـوادي.... صـوتـك ينادي.... آخذ عمرها
التعلیقات