عزاء ليلة 8 محرم 1432 هجري (مكتوبة) - باسم الكربلائي
منذ ١٣ سنة١Kمشاهده
قصیدة : يـمـه ذكـريـنـي مـن تـمـر زفـة شـباب
الرادود : الحاج ملا باسم الكربلائی
يـمـه ذكـريـنـي مـن تـمـر زفـة شـباب
مـن الـعـرس مـحـروم ... حـنتي دم المصاب
شــمــعـة شـبـابـي مـن يـطـفـوهـا
حـنـتـي دمـي والچـفـن ذاري الـتـراب
يـمـه ذكـريـنـي مـن تـمـر زفـة شـباب
******
بـزغ من برج المخيم ..... جاسم ونوره يتشعشع
نـاشر جعوده على متنه .... ومثل طير الجنه يلمع
هـلهلت رمله وتگله ..... هاك إخذ گلبي المگطع
شـنـهـي يـجـاسم نيتك.... ثاير بجمرة همتك
چـنـك وفيت برگبتك.... صاح إلي دوفي المرضع
مـن ثـدي الـنـيـبـه راضـع بصافي الحليب
وبـهـالـشـهـاده صـار إلـي قسمه ونصيب
حــوفـتـي بـدمـي خـل يـفـرشـوهـا
حـنـتـي دمـي .. والـجـفـن ذاري التراب
يـمـه ذكـريـنـي مـن تـمـر زفـة شـباب
******
هـلـلـه هـلله شلون فزعه من فزع جاسم لعمه
ضـاگت بـعـيـنـه الوسيعه والوفا يطشه ويلمه
تـنـومـسـت رمله بولدها حنت ضلع الصبر يمه
صـاحت النيه راشده... وگلب أمك الله يساعده
صـاح إلـي يـوصي والده... عالوصيه يبيع دمه
أهـلـي وصـونـي بـالـوفـا يـوم الطفوف
مـن دم وريـدي يـصـبح خضاب الچـفوف
هـذي وصـيـتـي يـالـتـسـمـعـوهـا
حـنـتـي دمـي.. والچـفـن ذاري الـتراب
يـمـه ذكـريـنـي مـن تـمـر زفـة شـباب
******
هـنـا يـهالغذيت روحك من ثمر روحي وحليبي
مـن نـصـيـبـك هالشهاده واليسر يبني نصيبي
بـالـجـهد بيض لي وجهي يا ضوه عيوني وحبيبي
ناداها لا يصيبج رعب..... جدميلي لامات الحرب
والـنـايـبات شماتصب..... إدعي والصارم مجيبي
والـوفـا شـانـه يـنـعـدم بـيـه الـوجود
وآنـه وجـدانـي يـغـتـنـم جـنـة الخلود
نــيـتـي بـديـوان جـدي كـتـبـوهـا
حـنـتـي دمـي والچـفـن ذاري الـتـراب
يـمـه ذكـريـنـي مـن تـمـر زفـة شـباب
******
ضـمـتـه بـصـدر المحنه وانطبع رسمه بصدرها
وتـشـم ريـحـانـة جماله وتكف دمعتها بصبرها
وذكـرت أيـام الرضاعه ولوجت الروح وسهرها
وصـاحت شوصاك الحسن.. يا منوتي ونعم المضن
هاك إلبس ثياب الچـفن ... يا أمل رمله ويا ذخرها
يـوم الـمـبـارك أصـبـح لـديـنـي شهيد
وافـزع لـعـمـي مـن يـضـل بالطف وحيد
ورمــلـه بـمـصـابـي خـل يـواسـوهـا
حـنـتـي دمـي والچـفـن ذاري الـتـراب
يـمـه ذكـريـنـي مـن تـمـر زفـة شـباب
******
يـمـه حـاسبني ضميري وشفت مگصود اليريده
والـضـمـيـر يـريـد مني أتخضب بدم العقيده
والـيـريـد الـغانمات على الطعن يعرض وريده
صـاحـت الـنيه راشده ... نيتي ويا نيتك واحده
وجاسم سفر عن ساعده .. وسيف ابوه الحسن بيده
صـاح أنـا بـديـنـي مـلـتزم فرع وأصول
أفـدي وجـدانـي والأجـر عـنـد الـرسول
وامــي الــزهــره خــل يـهـنـوهـا
حـنـتـي دمـي والچـفـن ذاري الـتـراب
يـمـه ذكـريـنـي مـن تـمـر زفـة شـباب
******
لـزمـت الـدلال بـيـد وإيد بيها إلزمت ريعه
ونـادتـه ودعـك عـنـدي الحسن يمدلل وديعه
الـيـوم چـنك ضيعتني وضعت مني شلون ضيعه
نـاداهـا يمي تيتمت...... وبحجر عمي ترعرعت
ربـانـي ولـيـوم إنـشأت.. ولربايه اليوم ابيعه
دهـري يـتـمـنـي والـتـزم عـمـي برباي
ومـا اعـز عـنـه مـهـجـتي وروحي ودماي
وأمـي بـمـصـابـي خـل يـفـجـعـوهـا
حـنـتـي دمـي والچـفـن ذاري الـتـراب
يـمـه ذكـريـنـي مـن تـمـر زفـة شـباب
قصیدة : عـلـى الآه يـهـاجـر ماصبرتي
عـلـى الآه يـهـاجـر ماصبرتي ** تمنيت لون بالطف حضرتي
أحسبي مو جرح واحد ولا عشره ** يهاجر حنة العريس من نحره
تــمــنــيــت لــون بــالـطـف حـضـرتـي
******
يهاجر قصة ابنج أدري عنها ** جرح شفتي اعله نحره وطحتي منها
أحـس بـالوالده المجروح إبنها ** تعالي وشاهدي رمله اويه بنها
يـهـاجـر شـفـت عـمه يحمله **ينادون تلگي أبنج يرمله
تـنـيـتـه يعود بالصيوان منتظره **يهاجر حنة العريس دم نحره
تــمــنــيــت لــون بــالـطـف حـضـرتـي
******
يـهـاجـر من إجاني ايسيل دمه ** انا وزينب إجينه وطحنه يمه
أصـيـح بـلا وعي اگعد يايمه ** رغم هذا وگلت فدوه العمه
شـبـابـه انـدفـع بـالـطف هديه ** وصيته يايمه ابجي عليه
گلـب أمك يايمه اعليك شيصبره ** ياهاجر حنة العريس من نحره
تــمــنــيــت لــون بــالـطـف حـضـرتـي
******
اذا شـفـتـي شـبـاب تأمليهم ** يايمه وسولفي قصتي عليهم
وانظري هم أكو حنا بديهم ** واذكري صوت جاسم من حجيهم
تـذكـريـن طـفـوا شـمعه شبابي ** تنوحي الدمع دم لمصابي
اصيحن ياخلكَـ عمر الورد عمره ** يهاجر حنة العريس من نحره
تــمــنــيــت لــون بــالـطـف حـضـرتـي
******
يـهـاجر مو عجيبه شفتي جرحه **انا بعيني شفت سيف اليذبحه
رحـل ليل الاماني ومات صبحه** على رمش الولد ماتت الفرحه
يـهـاجـر تـعالي ابجي اعلى حالي **غريبه وصفيت بلايا والي
على جفوف المصايب اكتب واقره** يهاجر حنة العريس من نحره
تــمــنــيــت لــون بــالـطـف حـضـرتـي
******
أشـوف حـسـيـن يهمل دمع عينه ** أنا وزينب تقابلنه وبجينه
أقـلـهـا الراح هم يرجع علينه ** تقل لي أيسي ونصفق بيدينه
يـزيـنـب ردت أعـلگ شـمعته ** بلدموع تعالي ندوف حنته
حـلم عمري أوج شمع العرس مره ** يهاجر حنة العريس دم نحره
تــمــنــيــت لــون بــالـطـف حـضـرتـي
******
يـزيـنـب آنـا وانـتي نحني جفه ** ولو ميت يزينب خل نزفه
اذا آنـه ابـعـلـي الأكـبر أحلفه ** يگعد ما يضل نايم أعرفه
نـزفـه يـازيـنـب آنـا وانـتي ** هلاهل دمعتج وي دمعتي
ردت كـسر الخواطر جاسم يجبره ** يهاجر حنة العريس دم نحره
تــمــنــيــت لــون بــالـطـف حـضـرتـي
******
أنـا لـربـيـت يـالغالي وعفتني ** أصيح وين حق رباي يبني
آنـا امـك يـا جـاسم ما شفتني ** بين السلب وبين الضربني
يـا جـاسـم على الهز أناغيك ** يا جاسم على الغبره أخليك
أروح شـلون يالنايم على الغبره ** ياهاجر حنة العريس دم نحره
تــمــنــيــت لــون بــالـطـف حـضـرتـي
التعلیقات
١