ضلعي إنكسر ذبني البين (مكتوبة) - جليل الكربلائي
منذ ١٣ سنة٥٥٩مشاهده
قصيدة : ضـلـعـي إنـكـسـر
الرادود : الحاج ملا جليل الكربلائی
ضـلـعـي إنـكـسـر ذبني البين... يحماي الحميه
واسـي الـحـسـن واسـي حسين ...يحماي الحميه
*****
ضـاقـت عـلـيه دنيتي... دنيه الجور ضاقت عليه
و آنه أرد أوصي أوصيتي... داحي الباب هاك الوصيه
بـيـدك ورايـنـي إبغربتي... أرد أنخاك حامي الحميه
و كـل شـده كـل مـحنه أنخاك ...هاك آخرنه وليه
بـالـك إيـشـيـعـونـي إعداك...يحماي الحميه
*****
لـلـفـرقه حيدر شد حيله ...للتوديع و الفرقه مره
عـاهـد لـلزهره ابهالليله... بالدمعات عاهد للزهره
يشجي ابدمعاته و تشجي له... و النيران وجرت صدره
ايـقـلـهـا اشلون أقدر اشلون... أدفن نجم الثريه
ردت و الـفـرقـه مـتـهـون...يـحماي الحميه
*****
داحـيـها ظل اعله العهد... للأحزان ظل اعله عهده
مـن عـنـده الدلال انمرد ...ظل الليل للدفن وحده
نـاداهـا وعـدج لـلأبد ...للكرار دمعته و جبده
إيـقـلـها روحي ووجداني... اشما لج صديت اعليه
ردت لـحـدي و ضـي عـيـنـي...يحماي الحميه
*****
و آنـه أرد أخبرن بالجره... للمختار و أشجي ابونيني
عـقـبـك بـقيت إمحيره ...حته النوم خاربت عيني
مـنـي الـضـلوع امكسره ...و الغدار سقط جنيني
ابـبـاب الـدار ايـشـب الـنار ...شمت عدواني
آذونـي عـصـبـة أشـرار...يـحـمـاي الحميه
التعلیقات