زينب الليله تحرس العيله

زينب الليله تحرس العيله زينب الليله تحرس العيله من عقب الاخوة حرمة وحدها من يساعدها ********* وضع العقيلة امن التعب مترادي ما تدري المن تتجّه و تنادي تنظر ضحايا امطّرحه بالوادي بس عليل احسين حيل عنده امنين كل سا يموت او وضعه ضاهدها من يساعدها ********* حرمه او غريبة و الدهر حيرها و اخيامها ابنار العدو وجّرها هذي الذي حامي الحمه خّدرها راح عزها راح بس اخوها طاح و الخدر بالطف راح من عدها من يساعدها ********* هالليلة بالطف تحرس اعلى الخدّر تتجه لو رادت العود الأكبر اتراقب عقيلة هاشم امن العسكر لا تدوس اطفال او لا تروع اعيال و بها الفكر ظلت تطبق ابيدها من يساعدها ********* طلعت ابها الليل و الدموع اتسيل شايطة ابحرقه لبن والدها من يساعدها ********* للنهر شاطت و بصدرها الجمرة اتنادي يبو فاضل نمت عالغبرة من وجّهت عاللي كفلها النظرة شافت العباس و حال وضع الراس و العين سهم القوم مارها من يساعدها ********* قعدت تون يم الذي كافلها اتقلب اجفوفه و الدموع اتهلها و تخبره بالأطفال فرت كلها فرت بها البر ابهجمة العسكر فرت يخويه و بعد شيردها من يساعدها ********* عاالعلقمي لمن طحت يا العينه او من طاح بالميدان عود اسكينه هجموا او حرقوا للخيام اعلينه هجت النسوان او عافت الرضعان يا ريت حي انت او تشاهدها من يساعدها ********* للنار بالأطناب من شبوها رضعان المهاد اعتقد حرقوها الأطفال خويا بالرمل سحقوها من غبت عني هيجت وني خِلتك خِله يا اخو ايسدها من يساعدها *********