هـبـة بنيني - مرسومه بعيني (مكتوبة) - السید حسن الکربلائي

قصيدة : هـيـبـة بـنـيـنـي ...مـرسـومه ابعيني

الشاعر : هيثم سعّودي الكربلائي

الرادود : الحاج ملا أحمد الباوي

هـيـبـة بـنـيـنـي ...مـرسـومه ابعيني

******
آنــه أم الــبــنـيـن ايـسـمـونـي
هـيـبـة  بـنـيني  الأربعه ما تنمحي من بالي
لـو وقـفـوا إقـبـالي أصد لربع أسود إقبالي
واحـد  أمـثـلـه  مهجتي وواحد ركن آمالي
واحـد بـصـيـرة نـاظري وواحد إلي دلالي
مـن روحـي أغـلـه ...و بـعـيـني أحله
تـحلالي  شوفتهم بعيوني...آنه أم البنين ايسموني
******
ابـعيني أشاهدهم جنت و أسهر و أباري و أرعه
و  أحـسـب  لياليهم و أعد مثل اليباري زرعه
أربـع أغـصـان امـن القلب هالأربعه مرتفعه
و  كل غصن غداه حيدره و جمل خصاله و طبعه
كـسـبـوا رجـولـه...مـن الـطـفـوله
هـل بيهم الناس اينادوني...آنه أم البنين ايسموني
******
بـالـشيمه  غداهم علي و كسبوا ثباته و عزمه
و مـجـده و حـميته و شميته و المقدره و الهمه
و  آنـه ارضـعـتهم بالوفه و أدري حليبي ذمه
و جـلـمـة وفـه مـتثله بحب الحسين و أمه
آنــه الــوفـيـه ...لابـن الـزجـيـه
و  أدري  بـنيني ايوفوني...آنه أم البنين ايسموني
******
أدري بـنـيـنـي الأربـعـه بالشده ما تتعذر
و تـنـصـر إحسين ابوقفته و متعوفه لو تتوذر
عـثمان  و عباس الفخر و إخوانه عون و جعفر
وقـفـوا  عله احدود الأجل لا واحد المنهم فر
بـالـطـف صـورهـم...تـرسـم فخرهم
أولادي  بـيهم لتواسوني...آنه أم البنين ايسموني
******
صـورة أمـاجـد أربـعه و المجد حين انوصفه
أربـع  كـواكـب با الدهر ما تحتجب لا تطفه
وفـوا لـي يـا نـعم الولد و منهو مثلهم وفه
و  عـبـاس  عـينت هالولد قدم عيونه و جفه
جـفـه  الـقـطـيـعـه... فـوق الشريعه
تشهد له ما خيبلي اظنوني...آنه أم البنين ايسموني
******
هـيـبـة  بـنيني الأربعه ما تنمحي من فكري
ضـحوا  لبو اليمه العمر و اخلافه شلي ابعمري
فـدوه لـبـو اليمه الولد شنهو بنيني و ذخري
و  ريـته القطع نحره خطه سيفه و قطع لي نحري
ريــت الـمـنـيـه... بـالـغـاضـريـه
و  للزهره  وفيتلها اديوني...آنه أم البنين ايسموني