نادينا بفرد صوت حيدر (مكتوبة) - باسم الكربلائي
منذ ١٣ سنة١.٥Kمشاهده
الرادود : الحاج ملا باسم الكربلائي
نادينه ابفد صوت حيدر
ويّاكم للموت حيدر
نورك بالكعبه ايلالي‌او حبّك يسري ابدلاّلي
******
يا علي رب ّ البريّه شيّد الكون باءراده
او من خلق اءنسان بأرضه وافرض اعليه العباده
خَيّره مابين درب التهلكه او درب السعاده
خط للسعيد او للشقي‌او درب ابدرب ما يلتقي
والراضع الثدي النقي‌بخط علي اينوّر فؤاده
ايخيرونه او نختار
حيدر
والينه الكرّار
حيدر
والينه او نعم الوالي‌او حبّك يسري ابدلالي
******
يا علي والگلبه ينبض بالمحبّه عن عقيده
ما يساوم باعتقاده لو يحزّوله وريده
او هذا مو تعبير شاعر لا ولا بدعه جديده
تعبير گلبي امنظّمه‌ابدگّاته المتناغمه
هاك اخذه يا حامي الحمه‌واسمعه او فسّر نشيده
تهتف بيك اگلوب
حيدر
عن حبّك منتوب
حيدر
او منزل عنّك يلغالي‌او حبّك يسري ابدلاّلي
******
يا علي او كل اُمّه عدها مفخره او بيها تفاخر
ذاك متبحّر ابعلمه ذاك ثائر ذاك شاعر
واحنه‌نتباهه ابوجودك يا علي ابحكم الضمائر
الاءنس والجن‌ّ والملك‌تشهد يبوالحملات اءلك
گطب الفلك من يوصلك‌او يا عظيم البي نناظر
يا گطب الافلاك
حيدر
عادينه العاداك
حيدر
او نبگه انوالي اللّي ايوالي‌او حبّك يسري ابدلاّلي
******
يا علي الفنّان يرسم لوحه من وحي انطباعه
او كاتب ايألّف روايه اتجسّد ابطاله بيراعه
او لوحة احروبك يحيدر جسّدتها بكل براعه
سيفك قلم لوحه الدرع‌تصبغهن ابدم‌ّ الجمع
او ترسم مفاهيم الشرع‌يا علي ابفن‌ّ الشجاعه
ابصولات وجولات
حيدر
يرسم هاللوحات
حيدر
او خيبر تشهد لقوالي‌او حبّك يسري ابدلالي
******
حيدره زهد وتقيّه ومرجله وعزّه وكرامه
حيدره نخوه وحميّه وشرف وايثار وشهامه
حيدره والكل فضيله مصدر وشامخ مقامه
منّك يحيدر نقتبس‌ابكل خصله مفهوم ودرس
او حگها لون تهنه النفس‌او تفخر ابنور الاءمامه
منبع للافكار
حيدر
من نور المختار
حيدر
ابحبّك هامي ايظل عالي‌او حبّك يسري ابدلاّلي
******
يا علي ابأنوار علمك تهتدي كل‌ّ الخليقه
او هايه يا حيدر حقيقه او لا مفرّ امن الحقيقه
تشهد العدوان بيها او تبگه للعالم وثيقه
چم معضله ابچم معضله‌البيهن أبو فلانه ابتله
او لولاك يا عقد الوله‌هالك او زل عن طريقه
يا نور الحسنين
حيدر
او هلكت بيك اثنين
حيدر
مبغض واءمحب‌ّ ايغالي‌او حبّك يسري ابدلاّلي
******
لاني مبغض لا مُغالي او لاني محتار ابمصيري
اءعرضت عالوجدان‌فكري‌او انتخب دربي ضميري
الله ربّي الهادي حبّي او حيدره بالحق أميري
عن معرفه او دقّة نظرمتمسّك ابفارس مضر
او من أندبه الشدّه ايحضروبالحشر هوّه نصيري
حُبّك جنّه او روض
حيدر
او تسگينه امن الحوض
حيدر
او نبگه اوياكم للتالي‌او حبّك يسري ابدلاّلي
التعلیقات
١