خايفه - نعي (مكتوبة) - باسم الكربلائي
منذ ١١ سنة٧٦٤مشاهده
قصيدة : إجيتك خايفه
الشاعر : السيد عبدالخالق المحنّه
الرادود : الحاج ملا باسم الکربلائی
إجيتك خايفه و حان العتب وياك
جبت بيدي الجفوف و جربتك و إلواك
أريد أقعد إقبالك و أنتحب و أنخاك
بلكت تقعد و إتحاميني ...و إتشوف إشقد إمأذيني
******
إذا عذرك إجفوفك إخذ مني إجفوف
إذا عذرك إعيونك إخذ عيني و شوف
وين إنروح باجر خويه ما معروف
و النوق الهزل جابوها ...زينب لا وين ايودوها
******
على بختك يخويه قوم ساعدني
إذا أرجع عليك إسكينه تنشدني
صدق يا با الفضل أنخاك و تردني
هاي الما جانت محسوبه ...نايم و إعيالك مرعوبه
******
دقوم وياي نومك هسه مو وقته
يخويه و الإخو يفزع الصوت إخته
يعباس القلب عالنهر قطّعته
دجاوبني يخويه ليش هالسكته
لو تنهض و اتشيل الوانه ...لو أرجع منك زعلانه
******
إذا تقبل يخويه قول أقبلها
و خل غيرك يحدي ابمحاملها
تظل زينب يسيره بيد عاذلها
و كفيلج وين جم واحد يقل الها
حيف إويه إعداك اتخليها...بس راسك ظل إيباريها
******
تريد إعتاب زينب ما ترده
العدو يمك هضمني ما ترده
يخويه الضرب زينب ما ترده
جبت جفك يخويه قوم إليه
******
المصايب بس عليه من سهمها
سبع مرات أموتن من سهمها
بعد ما أشوف عينك من سهمها
عمت عيني و لا أشوفك رميه
التعلیقات
١