خل يطشون السموم (مكتوبة) - جليل الكربلائي
منذ ١٣ سنة٣١٩مشاهده
للشاعر : المرحوم محمدرضا فتح الله الكربلائي
خل يطشون السموم ..... خل يلوم اللي يلوم
خـل يـعـادونـه ..... مـا يـهـمـونه
******
عـلـه الفطره ابكل حواسيب المنيه امن المهد
اعـشـقت شبل الغاضريه و أبقه مغرم للأبد
شـمـعـتـي ابدنيايه أصبح بالحشر ليه سند
عـالـعـهد لحسين أبقه و أبد ما خون العهد
و الـعهد رغم العده ..... كل زمان انجدده
و الـيـضـدونـه ..... مـا يـهـمـونه
******
يـبو اليمه امصابك أفجع للأرض ويه السمه
يـبـو اليمه امصابك أمطر يوم عاشر بالدمه
ظـل الـك يـنـزف مـدامع و المهج متألمه
لـلأبـد بـالـقـلب نارك تبقه رمز الغانمه
إلك وسمنه الصدر ..... نلطم احنه ابكل عصر
و الـيـلـومـونـه ..... مـا يـهـمونه
******
طـيـحـتك مخضوب طيب للثره يبن الطهر
نـحـرك المذبوح أفضح كل زمان أهل الغدر
كـل زمان انمخلد اسمك يغله دمك كل عصر
مـحـمـل الطبره الزينب طبّر أجيال اشكثر
إلـك ظـنـوة حيدره ..... شيعتك متطبره
و الـيـمـنـعـونـه ..... مـا يـهمونه
******
انـتـوب عن كل الأماني عنك انته ما نتوب
عـنـك اشـما بعدونه أرواحنه لجلك تلوب
خـل يـمنعون لزياره و خل يسدون الدرب
يـجري بينه احسين دمك و انته أمنت القلب
فرقتك مر و صعب ..... خل يسدون الدرب
و خـل يـهـجـرونـه ..... مـا يهمونه
******
ولدك احنه حسين تدري و بيك يكفينه الفخر
يـبو اليمه و تدري شوقك بالقلب ويه الدهر
الـك لـلـغـيرك دموع الليله هلن جالمطر
الـك نوح و الك تطبيري و الك دمي انفجر
بـالغرب و ابديرتي ..... تظل تذرف مهجتي
بـيـك مـفـتـونـه ..... مـا يـهمونه
التعلیقات