لو نتوذر لو نتقطع (مكتوبة) - جليل الكربلائي

الشاعر : الأديب الحاج جابر الكاظمي

لـو  نـتـوذر لـو نـتـقـطـع... مـنـعـوفـك نـقسم بالمرضع
يـالـعـاهـدنـك  مـنـعـوفـك ...لـلـمـوت اويـاك منعوفك
******
يـحـسـيـن سـجـلـنـه الـعـهـد ...ويـاك و إنـت الـتعلم
هـالـعـهـد صـفـحـه إمـسـجـلـه... و مـتوقعه إبفيض الدم
مـضـمـونـه  مـنـعـوفـك أبـد ...و بـكـل زمـان إمـترجم
تــرجــمــنــه هــذا الـعـهـد بـإسـمـك يـحـسـيـن
مـا نـبـتـعـد مـهما تمر بينه إسنين ...حبك نجاة و مكرمه دنيه و دين
دسـتـورك دسـتـور الـهـادي...بـإسـمـك هـاي الأمـه إتنادي
و  مـن بـايـعـنـاك مـنـعـوفـك ...لـلـمـوت اوياك منعوفك
******
مــن عـالـم الـذر مـبـدأك... مـفـروض صـار إعـلـيـنـه
و مـن بـيـن الأصـلاب إنـتـقـل... حـبـك الـطـاهـر بـينه
إبـدور الـرضـاعـه مـن الـمـهـد... مـن حـبـك إتـغـذيـنه
و      إنـشـأنـه      و      إدركـنـه     الـحـيـاة     الـحـره
و بـجـامـعـة ذاتـك درسـنه الثوره ...و إترسخت يحسين بينه الفكره
هـالـفـكـره إبـحـق إدرسـنـاهـا...فـكـرة إيـمـان إعرفناها
و  نـتـبـع  مـسـراك مـنـعـوفـك ...لـلـموت اوياك منعوفك
******
أدوار مــرت كــل عـصـر... يـظـهـر خـصـم يـتـحـده
يـمـنـعـنـه  عـن إزيـارتـك ...و يـصـب عـلـيـنـه حقده
و  إحـنـه  بـإرادة ثـابـتـه... إبـكـل صـوره نـوقـف ضـده
قــال       الـيـزور       حـسـيـن      يـدفـع      أمــوال
و  إحـنـه رخصنه المال و إدركنه الحال...نتسابق إعله إزيارتك ضد القال
إتـحـديـنـه الـظـالـم و أعـوانـه ...مـا هـمنه إشما صب ضغيانه
و رغـم الـعـاداك مـنـعـوفـك...لـلـمـوت اويـاك مـنعوفك
******
إتـعـنـيـنـه قـصـد إزيـارتـك... بـرواحـنـه الـمـشـغوفه
و  مـا هـمـنـه ذاك الـلـي مـنـع ...و لا نـتـرهـب من خوفه
و صـدر أمـر ثـانـي الـذي... يـزورك يـضـحـي إجـفـوفـه
صــرنــه إنــتــسـابـق حـتـه نـنـطـيـك إجـفـوف
ما همنه أمر الطاغي ما هزنه الخوف...أوصلنه الضريحك بالدمه إكتبنه إحروف
و  إحـروف الـدم مـن تـقـراهـا...تـدري و تـعـلـم شكتبناها
و هـالـدم نـاداك مـنـعـوفـك...لـلـمـوت اويـاك مـنعوفك
******
مـن  شـافـنـه الـطـاغـي إبـشـغـف ...لـزيـارتـك نـتعنه
هــزه الــشــعــور الـجـاهـلـي ...صـدر أوامـر مـنـه
ثــالــث أمــر مـنـه صـدر ...لـو ردت تـنـشـد عـنـه
هــالأمـر       مـن      أجـل      الــزيــاره      إتـحـتـم
نـادانـه  كـل عـشره التجي وو تقدم...تنذبح تسعه و منها واحد يسلم
و  إحـنـه إتـعـنـيـنـاك الـقـبـرك ...إنـواسيك إبقطعت نحرك
مـن  تـابـعـنـاك  مـنـعـوفـك...لـلـمـوت اويـاك منعوفك
******
هـالـصـوت يـإبـن الـمـصـطـفـه... إبـجوف النحور إيناديك
و هـذي شـرايـيـن الـجـسـم... يـإبـن الـرسـول إتـحاجيك
إتـقـلـك رخـصـت إلـنـه الـدمـه... إشـلون إبدمه إنعز إعليك
ضــحــيــت مــن أجــل الــشــريــعـه إبـدمـك
يـا ريـت جنه إبساحة الطف يمك...أجسام نرخصها قبل ضيحت جسمك
يـالـضـحـيـت إبـدمـك إلـنـه...يـا حـيـف إبيومك ما جنه
و  لـو جـنـه إهـنـاك مـنـعـوفـك...لـلـموت اوياك منعوفك
******
وسـفـه  وحـيـد إبـكـربـلـه ...و لا مـن مـعـيـن إيـعينك
و بـمـصـرعـك لـمـن طـحـت... ذبـلـت أوراد إسـنـيـنك
و إنـقـطـعـت إحـبـال الـوصـل ...بـيـن الـعـيـال و بينك
و الــحــرم يــا مــظــلــوم مــن عــفــتـوهـا
هـجـمـت  الـعسكر  و العده سلبوها...و إخيامك إبنار الظلم حرقوها