قصيدة : نـحـيا و نموت اوياك و الكربله
الرادود : الحاج ملا جلیل الکربلائی
نـحـيا و نموت اوياك و الكربله مـنـعوفك أبداً يبن عقد الوله
******
و انـعوفك اشلون بأشد موزمه و اعيالك ابهالغربه تشجي الضمه
جيمان آل اميه اعليك متحشمه غـايـتـها تسبي ليك و العايله
******
من هالقلوب ايصير ليك الدرع يـحسين و انخليك وسط الضلع
و ايصير الك ماي الجري و الدمع تـبـقه الدموع الغربتك هامله
******
انـته الكرم و الجود و انته الهمم و اشـلون نترك ليك معنه الشيم
نـغدي لك ابهاليوم سور الخيم عـن آل امـيـه الظالمه الجاهله
******
لو تزحف اعلينه الأعادي زحف سـبـعـين نغديهم سبعين ألف
رايـتـك تـبقه يبو اليمه ترف كـل ألـف منهم واحد ايعادله
