ياحسين وياك نجاهد (مكتوبة) - جليل الكربلائي
منذ ١٣ سنة٤٠٧مشاهده
الشاعر : الأديب الحاج جابر الكاظمي
يحسين وياك انجــــــــــاهد يحسين والموقــف واحــــــــد
للعالم نكشف غايتــــــــــنه هيهات انغير فكــــــــرتـــــــنه
يحسين والموقف واحد
* * *
انصارك احنه وصمـــــمنه وياك انجاهـــــــد يحســــــــين
نتأمل ميعــــاد الثــــــــورة وننتظر مــــــــن كــــبل اسنين
هالموعـد حــــانت ساعاته وصار الموقف بــــــــين اثنين
بين الــــــــنار وبـين الجنة بين الدنيه وبــــين الديــــــــن
منريد هالدنـــيه ابــــــــذله منريــــد عــــــــنك نتــــــــخلّه
من اجلك نــــــــترك دنيتنه هيــــــــهات انغـــــــير فكرتنه
يحسين والموقف واحد
* * *
بتكوين الإنســــان المؤمن تتكـــون أربــــــــع أركــــــــان
لو ردنه انعــــــــددهن ذمه واحســــــــاس وذات ووجدان
والما يملكـــــــهن ما نگدر يحســــــــين انسمــــيه إنسان
بهذا المـــبدأ جينه ونشرح للوادم معــــنى الإيــــــــــــمان
للناس فكـــــــره انوضحها للناس بالــــــــدم نشرحـــــــها
بس الدم يضــــــمن عزتنه هيهات انغـــــــير فكرتــــــــنه
يحسين والموقف واحد
* * *
عزتنه انشـــــــيدها ابدمنه ومنعيش ابـظل الطاغــــــــوت
انقدم للدين اشــــــما نملك يحسين ومنــــــــهاب المـــوت
هالفرصه اشلون انضيعها فرصتنه وهيهــات اتفــــــــوت
بالمنحر نرفع صــــــرختنه وصوت المنحر أوضح صوت
صرخات تتحده الظــــــــالم صرخات وتصــــــــحي الوادم
بالدم انترجم صرختـــــــنه هيهات انغير فكــــــــرتــــــــنه
يحسين والموقف واحد
* * *
يحسين أنصارك تدريـــــنه جينه ابلهـــــفه وبايعــــــــناك
واتركنه الدنيه وما بيــــها لجلك وامشــــــــينه ابمــسراك
أتعنينه وغيرك ما عــــدنه انعيش اوياك انموت اويـــــاك
انقـدم أرواح ومنــــــــبالي ولا ترهبنه اجيوش أعــــــداك
هالـــــــيوم نرخصلك دمنه هاليوم خصمـــك ميهمــــــــنه
گبلك خـــــل ندخل حومتنه هيــــــــهات انغــــــــير فكرتنه
يحسين والموقف واحد
* * *
آلاف العــــــسكر مجموعه تريد اتصب اعــــــــليك الجور
بيا قانــــون انعوفك وحدك ابيا اعــــــــراف ابـــيا دستور
گبلك نتــــــــقدم بالحـــومه وانقدم يحســـــين انحــــــــور
يا قلعة امتـــنه الحــــــــره احنه ابحدك نصــــــــبح سـور
وياك آمنــــــنه ابحــــــــبك وياك ما نتــــــــرك دربــــــــك
يا راسم منـــــــهج ثورتنه هيهات انغــــــــير فكرتــــــــنه
يحسين والموقف واحد
* * *
هذا اليوم وهــــاي الساعة وهاي اللحظة وهذا الحـــــــال
گبل اسنين انفــــــكر بيهن وانعقدت بيهـــــــــن آمــــــــال
لاحـت آفـــاق الحــــــــرية التضــــــــمن تحــــرير الأجيال
والعـــــــزة اللي نحلم بيها اتكلفنه انخــوض الأهــــــــوال
منعــــــــوف مبدأنه الخالد منعوف نهجــــــــك يالقـــــــائد
بحــــــــدودك نـرفع رايتنه هيهات انغـــــــير فكرتــــــــنه
يحسين والموقف واحد
* * *
يحسين أرواح انضحــــيها أرواح وعــــــــالموت اتحــوم
والحال اللي أثـر بيــــــــنه انفكر بمرك يــــا مظــــــــــلوم
لو رحنه اتظل ابـــلا ناصر من تستفرد بــــــــيك الگــــوم
ريت الأرواح اتعــــود النه وهم انضحي وننطي ادمـــــوم
واشلون من اتظـــل وحدك واشلون لا ناصــر عــــــــندك
رغم الحاله اللي فجعــــتنه هيهات انغير فكــــــــرتـــــــنه
يحسين والموقف واحد
* * *
نتصور من اتظل وحـــــدك واتحيطك خــيل وفرســــــــان
تهتف هل من ناصر ينصر هالصرخه اتهــــــــز الأكــوان
احنه وبالمصرع نسمعـــها وعالگاع اتمـوج الأبــــــــدان
نتأسف ما نگدر ننـــــهض لو حاطت بــــــــيك العــــدوان
شيفيد من نسمع صوتــــك شيفيد ما ندفـــــــع موتــــــــك
لو نحيا انجدد صولتــــــنه هيهات انغــــــــير فكــــــــرتنه
يحسين والموقف واحد
التعلیقات