يابويه تدري اشصار (مكتوبة) - جليل الكربلائي
منذ ١٣ سنة٤٩٣مشاهده
للشاعر : الأديب الحاج جابر الكاظمي
يــــــــا بويــــــــه تـــــــدري اشصار عگــــبك يحامــــــــــــي الجــــــــــــار
شفت المصايب
******
يا جبل يا راسخ ابگــــــــــاع الإيمان يا من عواصف هالدهــر متهــــــــمك
يا أسد يالترهب اگـــــــلوب الشجعان ترجف اصفوف الملحــــمه من اسمك
حيرني أمرك يا غـــــــضب يا بركان اشلون ابن ملجم گـــــــدر يوصل يمك
يا ريت گبلك اندفــــــــن بالتـــربـــان ولا شوفك امخضب يــــــــبويه ابدمك
لا طــــــــالت الاعــــــــــــــــمــــــــار عگــــبك يحامــــــــــــي الجــــــــــــار
شفت المصايب
******
آنــــــــه العــــــــقيله زينب وتدريني مــــــــن جــــمر نار الهظم دلالي ذاب
خليني آنه ومحــــــــنتي خلــــــــيني امصابك يحيدر ما حصل مثله امصاب
حال الدهر ما بينك ومـــــا بــــــــيني وظليت اصـيح ادركني يا داحي الباب
ريت انطفت هاليوم شمعة عـــــــيني ولا شوف مظــلم صار وجه المحراب
هــــــــالليله فكــــــــري احــــــــــتار عگــــبك يحامــــــــــــي الجــــــــــــار
شفت المصايب
******
يا با الحسن چنت اشكي عندك همي وابشوفتك تنــــــــخمد مــن گلبي النار
لمن چـــنت اذكــــر مصــــيبة أمــــي انظر لوجهك أنسه كـــــــل اللي صار
وانجمعــــــن بهاليوم حزني وهظمي واذكرت محسن والظــــلع والبــسمار
بس الحســــن وحســــين ظلوا يمـي منهو اليصبر حالتي يـــــــا كــــــــرار
راح أحــــــــــــمل الاخطــــــــــــــــار عگــــبك يحامــــــــــــي الجــــــــــــار
شفت المصايب
******
ايتام صرنه اليوم نتوجـــه ويــــــــن ما نــــدري الــــمن نــــتجه مــا ندري
امن الحسن نوبه أمسح دموع العين ونوبه الحسن يمسح دمعتي التــجري
نوبه اروح وانظر لحــــــــال حسـين وحسين نوبه يشوف حالي وأمـــــري
ومنين اجتنه المحن يا بويه منـــــين من گبل عمرك ريت خطفوا عــــمري
شيـــــطفي هــــــــــــاي النــــــــــــار عگــــبك يحامــــــــــــي الجــــــــــــار
شفت المصايب
******
سهــرانه عيني وأحسب انجوم الليل كل ساعه وجهك بــــــويه يتراوالــــي
اخلافك بعـد ما عندي مهجه ولا حيل ومنين اجيب الحيل عــــگب الـــوالي
انظر مچانــــك خالي ودموعي تسيل ابيا عين أصد وأنظر مچــانك خــــالي
يا ويل گلــــبي اشكــثر يصبر يا ويل ليلة أمس وجهك اشوفــــــه اگــــبالي
واللــــــيله وحشــــــــــــه الــــــــدار عگــــبك يحامــــــــــــي الجــــــــــــار
شفت المصايب
******
يا بــــا الحسن المن أوجه عـــــــتبي متگلي شيصبر الگلب يــــا حـــــــيدر
چم فاجعه وچم لوعه يحمل گلــــــبي لو صخر هم چان الصخــــر يتفطــــر
يا نور عيني البيك اشوفن دربـــــــي عگبك صرت أعثر واگومن واعـــــثر
متحيره وعيني لمچانــــك تربــــــــي ما اگدر احمل فرگــتك مــــا أﮔــــــــدر
مهمــــومه لــــــــــــيل انهــــــــــــار عگــــبك يحامــــــــــــي الجــــــــــــار
شفت المصايب
******
جــــــــارت عــــلينه الدنيه يا والينه كلما نزيد الصبر محنتنه اتــــزيــــــــد
ملينه من فــــــــيض الدمــــــع ملينه شيفيد سيل الدمع بعــــدك شــــيــــفيد
ايتامك احنه وشيــــــطح بيديــــــــنه طيفك مثل ماي وتــــبده مــــن الايــــد
والعيد هذا هلالـــــه لاح اعــــــــلينه يا با الحسن يا ريت لا شفنه العــــــيد
أبــــــــــــدال الــــــــفرح أكــــــــــدار عگــــبك يحامــــــــــــي الجــــــــــــار
شفت المصايب
التعلیقات