ليلة التوديع (مكتوبة) - جليل الكربلائي
منذ ١٣ سنة٤١٣مشاهده
قصيدة : بـالـطـف لـيـلة التوديع
للشاعر : السيد سعد الذبحاوي
الرادود : الحاج ملا جلیل الكربلائی
بـالـطـف لـيـلة التوديع حضرت فاطمه الزهره
تـعـنـت و بـضـلع مكسور تون يم زينب الكبره
******
بـمـمـشـاهـا إجـت تعثر و ما بين الخيام اتدور
سـاعـه اتـطيح ساعه اتقوم دمعها اعله الوجه منثور
اعـلـه الـنـوح و الآلام تـعـنت و القلب مجمور
وصلت خيمة العصمه ..... و سمعت صوت أبو اليمه
و سـمـعـت زيـنب اتحشمه ..... تناديه و يناديها
يـخّـبـرها و هي اتخبره ..... حضرت فاطمه الزهره
******
شـافـت مـنـظـر الـتوديع القلب العايله ايقطعه
كـل نـوح و عـتـب زينب صارت فاطمه اتسمعه
تـقـلـه لا تـودعـنـي افـراقك خويه شيجرعه
بـعـيـالـك تـوصـيني ..... تودعني و تحاجيني
وحـدي لا تـخـلـيـنـي ..... اعيالك من يباريها
و قلبي يا هو اللي ايصبره ..... حضرت فاطمه الزهره
******
ايـقـلـهـا احـسـيـن يا زينب لله فوضت أمري
مـو بـيـدي و لا بـيـدج لازم يـنـقطع نحري
الـشـمـر لازم تـشـوفـيـنه يتربع على صدري
و فـاطم لطمت الخدين ..... من سمعت كلام احسين
بـقـلـبها اتفرسن سهمين ..... سهم زينب و محنتها
و سـهـم اليعتني النحره..... حضرت فاطمه الزهره
******
يـقـلـهـا يـختي يا زينب الصبح باجر لون صبح
أنـه و كـل أهـل بـيـتـي و كـل شباني نتذبح
دمـنـه بـسـاحـة الـميدان مثل ماي النهر يطفح
يـخـتـي امسلب و عريان ..... متوسد عله التربان
يذبحوني الكفر عطشان ..... و خلف الخيمه أم احسين
كـامـت تـنحب بعبره ..... حضرت فاطمه الزهره
******
يـقـلـهـا الـخـيل يا زينب من تهجم عله اخيامي
تـشـب نـار الـحـقد بيها و بعدها تسحق أيتامي
تـقـلـلـه ويـن أروحـن وين ما يبقه إلي امحامي
اعيالك هاي وين اتروح ..... وانته اعله الترب مذبوح
امـغـسـل بالدمه المسفوح ..... كللي وين أتوجه
و انـتـوا نومه عالغبره ..... حضرت فاطمه الزهره
******
أطـلـع لـلـمـعـاره أنـظر جثث متناثره بوديان
أرجـع لـلـخـيـم و ألـقـه بيها اموجره النيران
و أنـه بـيـن هـاي و ذيج و بين امراكض النسوان
و أقـصد للنهر يحسين ..... و أشوف امكطعه الجفين
عـسـن تعمه يخويه العين..... جفيلي اعله النهر نايم
يـا عـيـني الي اتنظره ..... حضرت فاطمه الزهره
******
الله ايـسـاعـد الـزهـره قـلـبها بهالمسيه اشقال
مـدري تـسـتمع زينب و مدري الصرخت الأطفال
لـمـن طـر صـبـاح البين و شافت عينها الأهوال
مـا بين الضحايه اتحوم ..... و تعنت و الضلع مهشوم
اتـنادي اوليدي يا مظلوم ..... يا هو اللي قطع نحرك
و يا هو اللي سحق صدره ..... حضرت فاطمه الزهره
التعلیقات