لا تنسه يا جسام عهد الوصيه (مكتوبة) - جليل الكربلائي
منذ ١٣ سنة٦٦٩مشاهده
قصيدة : لا تنسه يا جــــــــسام
للشاعر : الأديب الحاج جابر الكاظمي
الرادود : الحاج ملا جلیل الکربلائي
لا تنسه يا جــــــــسام عهد الوصــــــيه
موعد صمودك حـــان بالغــــــــاضـريه
******
صوت الحسن وصـاك احفظ وصيـــــته
ولا تهدم ابيمــــــــناك سور البنـــــــيته
تعب التعبته آويــــــاك بألطف جنـــــيته
لحسين اريد أنطـــــيه دمــك هديــــــــه
******
هاك اخذ سيفك هـــاك يا فــــــرحة أمك
عمك غريب حســــين لا تنـــــسه عمك
عوف الزفــاف وروح ضحــــــيله دمك
عرسك يجــــاسم صار عـــرس المنــيه
******
من ايدي سيف الموت سلمته بيــــــدك
يبني المثل هالــــــيوم چنت آنه أريــدك
والحنه خلها اتصــــير من دم وريـــدك
افرح واحني چفـــوف ايـــدك بديــــــــه
******
ابدال الشمع تنشـــــال بيــض الصوارم
والحنه يا عـــــــريس دم المچـــــــــارم
توفيلي حگ أربـــــاك يبني يجـــــــاسم
لو شفتك أعله الــگاع جسمك رمــــــيه
******
لمن تضحي الـــــروح يبني يجـــــــسام
اتفاخر أعله الــــناس مرفوعة الهــــام
أهتف أنه الضحــــيت ابن اثنعش عــام
قدمــــته للإســــــــلام للحگ ضحـــــيه
******
بين ايــــد أبـو السجاد قدم حياتـــــــــك
خل تدرس الأجــــــيال من تضحــــياتك
آنه أمك ولو صــــــار موعد وفاتــــــك
اتحزم أعله الضـــــيم وأعل الاذيــــــــه
******
من تطفه بالميــــــدان شمعة شبـــــابك
اطفي بدمع عــــــيناي جمرة مصــــابك
بالسيف اريد اليـــــوم اسمع خطـــــابك
شد عزمك ولتـــــهاب جيش آل امــــيه
******
خل نآخذ آنه آويـــــاك هاي السعـــــاده
ونشارك المظــــــــلوم ساحة جهـــــاده
يا جاسم أنت اتخوض درب الشهـــــاده
وآنه أعله درب الشام اطلع سبـــــــــيه
******
ثابت عزيمه وجـــاش والهمه طبـــــعه
هاج ولبس للمــــــوت گلبه اعله درعه
ضحه النفس للــــدين للأبه وشرعـــــه
اتوالفت بيه اثنـــــــين زود وحمـــــــيه
التعلیقات