زينب من الخيمه طلعت
الشاعر : المرحوم الشيخ كاظم منظور الكربلائي
زيـنـب من الخيمه طلعت بيديها
تـجـود ونخت راعي العلم واليها
لـن گمـر هـاشـم عونچ يناديها
وبچفـه الـرايـه الـمـنـشوره
******
نـادت يـابـن مير النحل يمشكر
مشحون وادي كربلا من العسكر
مـدري شـتريد الگوم هالتتكاثر
جـيـمـان الـكـوفه الغداره
******
نـاداهـا يـختي لا تهمچ هالگوم
مـازال انـا الـمتكفلچ والملزوم
وانـه بـن عودچ بالحرايب معلوم
وبـيـوم الـكـون يـعـرفوني
******
نـادت فـلاهـا بالخطر بوجودك
مـامـون گلبي يابن ابويه بزودك
ادريـك حاول مرجله من عودك
يـاسـور الـمـانـع يـا هـيبه
******
ادريـك راضـع مـن ثدايه النيبه
والـحـرب لـو گل وكثر ماتهيبه
لاچن اخـبـرنـك خبر يا هيبه
مـن عگب الـزهـره الـمظلومه
******
عـودك نده عمك بدمع مسچاب
عد لي انساب العرب يابن الأطياب
واخطب لي من عدهم زچية أنساب
ومـعـرب أصـلـك يـا عينه
******
يـاهـلـي الخله تگوم الها العمام
مـا عـلـى الذله نواضرهم تنام
يـا هـلي هذي الأرامل والأيتام
تـعـتـب ولا تـسمعون عتابها
******
يا هلي لو چان عتبي على الصخر
حـن عـلى حالي وتفسر وانفطر
ايـسـت ودمـوعـها تجري حمر
مـوت اهـلـهـا من يرد جوابها
التعلیقات