صوت من القلب (مكتوبة) - جليل الكربلائي
منذ ١٣ سنة٦٤٩مشاهده
للشاعر : السيد سعيد الصافي الرميثي
صوت من القلب من بعد ناداكم...حنوا اعله العليلة البقت برجاكم
******
برجاكم بقت تنتظر ليل انهار...و عفتوها عليلة و القلب محتار
و تتذكر شملكم من تصد للدار...و اتصيح الزمن لاوين وداكم
******
وداكم زماني اليا كتر يا صوب...و خلاني وحيدة ة القلب مصيوب
لا طارش رجع لا خبر لا مكتوب...و آنا اعله الدرب يا هلي و أتناكم
******
و أتناكم و جانت ظنتي اتعودون...و أترجه اعله حالي يا هلي تحنون
من كثر البواجي ما بقت لي اعيون...بلواية و مصابي فوق بلواكم
******
بلواكم أشد من علتي و بلواي...ايهون المرض لو بالدار جنتوا اوياي
يالعدكم شفاية و طيبتي و ادواي...و رحتوا و راح كل الأمل وياكم
******
وياكم أخذتوا اشعندي من آمال...و عفتوني وحيدة و الدمع همال
و شصبر و الصبر ما ينحمل جتال...ولا ساعة تمر و القلب يسلاكم
******
يسلاكم اشلون و يهجع و يرتاح...يتنشد عليكم كل مسه و مصباح
و لو ما لزمته اضلوعه ابفقدكم طاح...يجذب حسرته و يلهج بطرواكم
التعلیقات