عباس يا درة علي المكنونه (مكتوبة) - جليل الكربلائي
منذ ١٣ سنة٩٦٤مشاهده
قصيدة : عباس يا درة علي المكنونه
الشاعر : المرحوم الشيخ كاظم منظور الكربلائي
الرادود : الحاج ملا جلیل وباسم الكربلائی
عباس يا درة علي المكنونه
******
عباس الك راية مجد منصوره...رحمـة اوعله روس الخلگ منشوره
او آثار الك بالكون مو منكوره...ولسان ناكر فضلك ايگصونه
******
ابنورك گلب راعي اليقين اتنور...اوبسمك علينه كل عسر يتيسر
ابعين البصيرة البيك ما يتبصر...ساعة او نزل ماي العمه بعيونه
******
واللي يطيح بشده من يتعنه...مكسور خاطر ما تخيب ظنه
من گبل ما يطلب اشما يتمنه...تنطيه وانت العارف ابمضمونه
******
والبيك يا باب النجاة اتمسك...للجنه باچر ينفتح له مسلك
واللي يغره الجهل ينكـر فضلك...بالنار باچر عالوجه يچفونه
******
يوم اليوگفون الخلگ بالوزره...غضوا النظر يصدر الباري أمره
طبت المحشر بت حبيبي الزهره...والبصر عنها الوادم يغضونه
******
تدخل الزهـره والمله امهبطه الراس...واول شفاعه البيها تشفع للناس
ترفع بديها اچفوف ابنها العباس...هذا اليمين إشذنبه ويگطعونه
******
اوتنشر الثوب الناجع ابدم حسين...يارب تنادي واتهمل دمع العين
گصدي النجاة الشيعتي ابهذا الحين...اوصك الشفاعه الكل محب تنطونه
التعلیقات