من ظلم الدهر (مكتوبة) - باسم الكربلائي

قصیدة : مـن  ظـلـم الدهر
الشاعر : السيد سعيد الصافي الرميثي

الرادود : الحاج ملا باسم الكربلائي

 

مـن  ظـلـم الدهر .. قلبي انكسر .. خويه ياعباس
مـثـلـي مـن صبر .. عندك خبر .. خويه ياعباس
زغـري ويـتـمـونـي .. وبـفـقـدك ولـوني
مـثـلـي  من  صبر .. عندك خبر .. خويه يا عباس
******
زيـنـب  قـابـلـت عباس بالحسرة ودمع سجاب
تـحـجي له اشجرى عليها وعندها ويا الكفيل عتاب
تـقـلـه تـدري قلب أختك بسهام الزمان انصاب
وضـلـعـي ويـا ضلع أمي يا عباس انكسر بالباب
خاف اشرح وضع.. بيك انصدع.. يا طيب الإحساس
مـن  يـوم الضلع ..نشف دمع.. يا طيب الإحساس
دم  هـلـت عيوني .. وبفقدك ولوني.. خويه ياعباس
******
مـن  عـمـري  الـقضى بالنوح غير الحزن شتذكر
وانـسـى يـا ألـم خـويـه وبـيـه يا جرح أثر
لـو جـان بـصـغـر هـمي ذاب الصخر وتفسر
لـوعـة كـسـر ضـلع أمي و هامة والدي حيدر
بـفـراش الأجـل ..خـيـر العمل.. يلفظ الأنفاس
مـن  بـعـد  الأمـل ..قلبي بوجل.. يلفظ الأنفاس
وانـعـكست ظنوني.. وبفقدك ولوني.. خويه ياعباس
******
قـلـبـي عـلـى الصبر عباس وعلى الحزن عودته
و  يـاهـي  من النسا الشافت مصابي وضيمي الشفته
مـن ضـم الـحـسـن جبده عن عين العقيلة اخته
وشـفـتـه  بـالـسـم  تقطع و بيديه جبده قلبته
جـبـدك  بالطشت.. وسفة صحت.. يا أكرم الناس
مـن  هـضـمي  نحت.. لمن طحت.. يا أكرم الناس
بـجـبدي  صوبوني.. وبفقدك ولوني.. خويه ياعباس
******
مـصـاب الـمـا خـطر ذكره ولا يوم انشغل بالي
مـن بـعـد الـخـدر والـجـاه ابقى بحسرة الوالي
طـلـعـت مـن الوطن وياك بهيبة والــقدر عالي
و  طـول الـدرب يـا عـبـاس انت الجنت تبرالي
تـبـرى  الـنـاقـتـي ..يا هيبتي.. يا رفعة الراس
تـفـقـد حـالـتـي.. وش رادتي.. يا رفعة الراس
يـا  كـافل ضعوني.. وبفقدك ولوني.. خويه يا عباس
******
لـونـي انـخـطـف يـا عباس بيوم الكربلا طبيت
وقـامـت تـرجف عظامي يا خويه وبالهضم حسيت
وهـلـت دمـعـة عـيـونـي و ونة حايرة ونيت
و  بـنـظـرة  عـتب و وداع ليك بساعة الصديت
مـاترضى  الهضم..  وانت الشهم.. وانت بو النوماس
تـخـشـاك الـزلم.. يا بو العزم.. وانت بو النوماس
بـعـدك  مارعوني.. و بفقدك ولوني.. خويه يا عباس
******
و يـوم الـلـي انـهدم حيلي قلبي انجسم بيه نصين
مـحـنـي الـظـهـر من شفته رد ليه أخوك حسين
و مـن الـبـعـد نـاديـتـه عباس القمر جا وين
ولـنـه  يـقـلـي  يـا زيـنب منه انقطعن الجفين
جـفـيـن الـقمر .. فوق النهر.. والدرع والطاس
وتـصـوب نـظر.. راعي الفخر.. والدرع والطاس
بـغـيـابك سبوني.. وبفقدك ولوني.. خويه يا عباس