كل زلمنا (مكتوبة) - باسم الكربلائي

قصيدة : كــل زلــمــنــه ...الــلـيـلـه يـمـنـه
الشاعر : الأديب الحاج جابر الكاظمي
الرادود : الحاج ملا باسم الکربلائي

 

كــل زلــمــنــه ...الــلـيـلـه يـمـنـه
مـن يـطـلـع الـمـصـباح ... تطلع مهج و أرواح
كــل زلــمــنــه ... الـلـيـلـه يـمـنـه
******
لـيـلـة  عـاشـر ليلة رهبه ... توديع و نوح و أخطار
أطـفـال ابـخـيمتها و نسوه ... و ارجال اتحد الأشفار
و اصـهـيـل الـخيل الهم ينقل ... أعداد الجيش الجرار
زيـنـب  راحـت يـم ولـياها ... اتودع فتيان الكرار
اشـهـا الـمـصـيـبـه ... اعـلـه الـغـريـبـه
ابـهـم و قـهـر و إنـيـاح ... تـطلع مهج و أرواح
******
تـحـجي اويه المظلوم ابعبره ... مهمومه و تشرح له الحال
يـحـسين اتضحون ابدمكم ... هذا الموت و انتوا إرجال
لـو  رحـتـوا اتعيفونه ابغربه ... شيصبرنه اعله الأهوال
و احنه انظل يبن أمي إخلافك ... رضعان و نسوه و أطفال
ايـروعــونــه   ...  ايــســلــبــونــه
بـيـن  الـعـدو الـسـفـاح ... تطلع مهج و أرواح
******
يـبـن  أمـي و دمـكم من يجري ... آنه أتحزم للأحزان
أتـجـلـد يـحسين ابصبري ... من تهوه إجسوم الوليان
كـل فارس من عدكم يوقع ... ابقلب أختك يترك نيشان
لـو  حركوا صيوان إعيالك ... روحي اتصير إلهم صيوان
و ابــخــدرنــه ... ايــشــب جــمـرنـه
خـدر الـحـرم لـو راح ... تـطـلـع مهج و أرواح
******
لـو طـاح الأكـبـر يبن أمي ... و عالغبره اموذر شفناه
أقـصـد يـم لـيـله المهمومه ... ابعبرات و نار الويلاه
أمـزج  دمـعـاتي  ابدمعتها ... و انواسي الأكبر و ادماه
يـبـن  أمـي و مـا تـسـمع مني ... بس جلمة إنا لله
جـسـم    الأكــبــر    ...    لــو   تــوذر
نـحـمـل غـصـص و اجراح ... تطلع مهج و أرواح
******
يـبـن أمي و من يوقع جاسم ... و أنظر دم نحره المقطوع
أقـصـد يـم رمـله المحزونه ... أحرسها ابقلبي المفجوع
جـاسـم لـو حنوه ابدمه ... أغسل جفه ابجاري ادموع
و لـو طـفوا شمعات الزفه ... أعلق عيني و روحي اشموع
دم    وريـــده   ...   ايــحــنــي   ايــده
لـو  شـفـنـه هـالـدم ساح ... تطلع مهج و أرواح
******
لـو  صـرعوا  جسم الكافلنه ... عالشاطي و تهوه الجفين
أقـصـد  و أتوجه لسكينه ... و أمسح منها ادموع العين
طـفـلـه و لو قطعوا جف عمها ... تتسلم لجفوف البين
اتـمـوت اسكينه إخلاف الكافل ... شيصبر بنتك يحسين
و  الــفــجـيـعـه  ... اعـلـه الـشـريـعـه
جـسـم  الـقـمـر لـو طاح ... تطلع مهج و أرواح
******
بالطف  لو طاحت ولياني ... اتظل روحي اعله العيله اتحوم
يـا هـو الـلـي تـفقد واليها ... قلبي ايواسيها المهموم
لاجـن لمن يوقع جسمك ... و تسحق صدرك خيل القوم
مـحـد يـقـصـد و يـواسيني ... بيك أتحير يا مظلوم
و ابــمــغــيــبـك ... مـن تـصـيـبـك
اسـيـوف  و حـجـر و إرماح ... تطلع مهج و أرواح