أغرى اللعين جعدة (مكتوبة) - باسم الكربلائي

قصیده : أغـره  الـلـعـيـنه جعده

الشاعر : الأديب الحاج جابر الكاظمي

الرادود : الحاج ملا باسم الکربلائی

 

أغـره  الـلـعـيـنه جعده و السم إنبث ... قطعت جبد الحسن وشنتحدث
خانت زوجها جعده بنت الأشعث ... إسأل التاريخ و شوف هالزوجه ما أقساها
******
شـاف  الـحـسـن سـم الـغـدر أثر بيه ... جمع إخوته والأجل قرب ليه
و  الـغايه  رايد لبو اليمه ايوصيه ... روح الإمامه ابها اليوم خل نسمع اوصاياها
******
يـحـسـيـن سـم الـغدر قطع جبدي ... أوصيك و إعمل بالوصيه بعدي
لـو مـتـت إدفن جثتي يم جدي ... لو شاهدت فتنه اتصير ابسلوبك إتلافاها
******
و  حـسـيـن  زادت بـالمصاب اهمومه ... ايشوف الحسن غير السم ارسومه
بـالـطشت يقذف جبدته المالومه ... جبدت ابو امحمد هاي قطعوا لب إحشاها
******
هـالـلـيـلـه  حـضـروا  آل هاشم يمه ... يجلون عن قلب ابو محمد همه
شـافـوه  وسط الطشت يقذف دمه ... صاحوا يبو محمد ليك دمعتنه أجريناها
******
مـا بـيـن مـا يـتوادع اويه الطيبين ... نظرة حنان الحسن صد اعله حسين
نـاداه  لـيش اتسيل دمعات العين ... يا حال صابك يا حال و الدمعتك أهماها
******
يـحـسـيـن كـل الأهـل حـضـرت يمي ... و ابحالة التوديع زالت همي
لـو متت بالعزه ايتشيع جسمي ... خلف النعش من ينشال هاشم تذب أخطاها
******
لاجـن أنـشـدك يـا عـزيـز الزهره ... لو رحت للطف و طحت عالغبره
يـا  هـو الـيلم اوصالك المتوذره ... جاسم و لكبر يحسين منهو اليلم أشلاها
******
و حـسـيـن جـاوب يـا سـليل المختار ... خليت قلبي اعليك يتواقد نار
وصـيني  قبل الموت يبن الأطهار ... روحي قبل روحك ريت راحت ولا أبغاها