عطشانه اليتامى (مكتوبة) - باسم الكربلائي
منذ ١٣ سنة١.٥Kمشاهده
عطشان اليتامة
عطشان اليتامى…. يرجع بالسلامة
نزلنة يمك ضيوف…. ياريت امواجك تشوف
عطشان اليتامى…. يرجع بالسلامة
------------------------------------------
اول ما وصل رحلي .... نوّخ ضعن ولياني
اول ما نزل عباس .... اخوية ونصب صيواني
على جرفك شبحت عيوني .... همت وانخطفت الواني
ياشاطي ووية امواجك .... اختلطت موجة احزاني
صديت لكفيلي .... واتصدع دليلي
همت بالمحنة والخوف .... يا ريت امواجك تشوف
----------
اللازمة
----------
سريعة مرت الساعات .... سرعة ومضة البتار
لمن صبح العاشر .... دليلي ركز الانظار
لصحاري الحزن والتفكير .... خذتني وحشة الافكار
شفت حاطت عساكر بيك .... رماح مشرعة واشفار
من شفت العساكر .... حسيت بمخاطر
ايادي مجردة سيوف .... ياريت امواجك تشوف
--------
اللازمة
--------
بدت فجرية العاشر .... تراويلي صور همي
بدت تتوارد الرميات .... واوتار الاجل ترمي
بدت تتكور الاجساد .... كل مصرع جسد مدمي
بدت اطفالي كل لحظة .... اعاين لن طفل يمي
ولياني ضحاية .... واطفالي ضماية
على مايك حاطت صفوف .... ياريت امواجك تشوف
-------
اللازمة
-------
انتهت كل اهلي بس عباس .... ظل منهم واخوية حسين
عليل وخدر واطفال .... يتواثب عليهة البين
عطاشة شح عليهة الماي .... غدت ترشف نمير العين
هيّة تعاي على الجود .... واعاين انة على الكفين
كل واحد جمرتة .... مرسومة بنظرتة
دمع لوعتهة مذروف .... ياريت امواجك تشوف
-------
اللازمة
-------
الكمر من شاهد الحالة غضب .... واحتركـ بيه الزود
ثلاثة وياه واتعناك .... سيفة ورايته والجود
كصدلك كافل عيالي .... ياريتك لا جنك مكصود
ياشاطي وكلبي اخبرني .... الكمر ما يرد لينة ردود
مهمومة ونطرته .... وشكد انتظرتة
لكيتة ووجهي مخطوف .... ياريت امواجك تشوف
-------
اللازمة
-------
الكمر مابينك وبينة فرق .... مامن شبه وياه
هو يريد منك ماي .... انت تريد سيل دماه
اليتامى ناطره والموت .... يمك يالنهر يتناه
جنت شاطي السلامة .... وحيف صرت شاطي الحزن والآه
جيتك بالفجيعة .... شفتة على الشريعة
كفيل وراية وجفوف .... ياريت امواجك تشوف
التعلیقات