دمع العين (مكتوبة) - باسم الكربلائي
منذ ١٣ سنة٧٠٥مشاهده
قصیدة : ظــل يــجــري دمــع الــعــيــن
الشاعر : الأديب حاج جابر الكاظمي
الرادود : الحاج ملا باسم الكربلائي
ظــل يــجــري دمــع الــعــيــن .... عـالـرايـة والـجـفـيـن
جـودك مـا لـقـيـتـه .... ولـظـهـري حـنـيـتـه .... عـالـراية والجفين
******
عـبـاس اجيتك للنهر ودموعي تجري .... حاربني دهري .... خويه .... وحايرة بامري
نـار الـظـيمة ونار الخيم تلهب ابصدري .... شيطفي جمري خويه .... وحايره بأمري
سلبوا خدري وما أظن تعلم وتدري .... من عقب خدري .... خويه .... وحايره بأمري
مــا تــدري يــا عــبــاس .... صــوبــنــي سـهـم الـبـيـن
صـك عـيـنـي وعـمـاهـا .... واضـلـوعـي حـنـاها .... عالراية والجفين
******
يـا بـالـفـضـل جـمر القلب يسعر لهيبه .... نار المصيبه .... خويه .... وآنه غريبه
بـدرك يـا خويه اعله النهر أصبح مغيبه .... وجثتك سليبه .... خويه .... و آنه غريبه
ابـظـيمتك غابت عزتي وخدري اشيجيبه .... ما بقت هيبه .... خويه .... وآنه غريبه
بــيــن الــســلــب والــنــار .... عـفـت الـدمـع صـوبـيـن
وآنـه ابـهـضـم قـلـبـي .... جـيـت وعـيـلـي تردني .... عالراية والجفين
******
عفت الخيم متلاهبة وجيت ارد أحشمك .... واقعد واكلمك .... خويه .... خليني يمك
ابـيا عين أشاهد مصرعك وأنظر لجسمك .... امخضب ابدمك .... خويه .... خليني يمك
دمـك امـزجته بدمعتي وهمي اويه همك .... وبقلبي اضمك .... خويه .... خليني يمك
قــلــبــي انـفـجـع وانـصـاب .... هـاي الـمـصـيـبـة امـنـيـن
يـا لـوعـة عـذابـي .... جـيـت أعـرض مـصـابـي .... عـالـراية والجفين
******
عـبـاس اجـيت بشيمتك وانته اكفلتني .... تالي افجعتني .... خويه .... رحت وعفتني
انـتـه (الـحديت) بناقتي وللطف جبتني .... ليش اتركتني .... خويه .... رحت وعفتني
عـذبـنـي دهـري ابـغيبتك يالعذبتني .... من فارقتني .... خويه .... رحت وعفتني
ابــفــقــدك فــقــدت الــراي .... هـالـمـحـنـة جـانـت ويـن
مـا وجـد ابـعـيـنـي .... مـن هـو الـيـدلـيـنـي .... عـالـراية والجفين
******
مـحتاره يم المشرعة وايدي اعله خدي .... بالغربه وحدي .... خويه .... ولا والي عندي
يابالفضل نار العطش فطرت جبدي .... واجروحي تدمي .... خويه .... ولا والي عندي
عاهدت اوفي بالصبر واحفظت عهدي .... وابذلت جهدي .... خويه .... ولا والي عندي
وابــغــيــبــة الــولــيـان .... ويــن أتــجــه لا ويـــن
حـيـرنـي زمـانـي .... مـحـنـيـة تـرانـي .... عـالـراية والـجـفـين
******
عـبـاس مـا تـخـمـد بعد جمرة ونيني .... و لهفة دليلي .... خويه .... لا يا جفيلي
اتـهـدمـت أركـان الصبر وانهدم حيلي .... فاجأني ليلي .... خويه .... لا يا جفيلي
يـا قـمر هاشم مصرعك فجر مسيلي .... و قرب رحيلي .... خويه .... لا يا جفيلي
يــابــالــفــضــل ويــاك .... مــوتــي قــرب هــالـحـين
مـن لـوعـتـي وهـمـي .... تـهـدم ركـن عـزمـي .... عـالـراية والجفين
******
تـقـدر تـرد لـي عـزتـي لو جتفوني .... قوم و سيبوني .... خويه .... عنك خذوني
مـنـهـو الـيـعدل ناقتي ويكفل اضعوني .... لو يسروني .... خويه .... عنك خذوني
أعـتـب عـلـيك ابونتي ودمعة اعيوني .... عقبك ويلوني .... خويه .... عنك خذوني
حــادي الــظــعــن لــو شـال .... واحـنـه ابـيـسـر مـاشـيـن
مـن جـانـب الـمـحـمـل .... اتـلـفت وأسـأل .... عـالـرايـة والـجفين
التعلیقات