ذبيح مسلب (مكتوبة) - باسم الكربلائي
منذ ١٣ سنة٨٢٧مشاهده
قصيدة : ذبـيح مسلب بن أمي
للشاعر : السيد سعيد الصافي الرميثي
الرادود : الحاج ملا باسم الكربلائی
ذبـيح مسلب بن أمي** مشيت وعفت على الغبره
إجـيـت أتـعـثـر بهمي** أشوف بيا كتر قبره
ابــحــزن بـلـواي ** وأبـث شـكـواي
******
رحـت عـنـه لـون بيدي فلا والله رحت عنه
يـا ريـتـه أتـوسد بطوله وأشم أطيب عطر منه
عـفـانـي وشـكثر صبري وأنه بهالحال أشوفنه
أعـايـن جـسـمه المقطع وأقول شلون أعوفنه
مـشـيـت وغـصبا عليه** أخويه بلا دفن عفته
خـذونـي عـنـه مـسبيه** وداع الغربة ودعته
عــفــت رجـواي ** وأبـث شـكـواي
******
رحـت لـكـن عـفـت قلبي يفرفر يم أبو اليمة
يـقـولـي روحـي يـا زينب وتريكيني أضل يمه
أريـدن أحـسـب جـروحـه وأريد أتعفر بدمه
وأجـبـر كـسرة ضلوعه وأحن وأذكر ضلع أمه
صـحت يا قلبي لا تقولي** يا زينب روحي خليني
أريـدك بـالـدرب خـلي** على الونه تسليني
أســيــر ويــاي ** وأبـث شـكـواي
******
تـصـوب مـن زغـر قـلبي لون ينوح ما لومه
لـون مـا لـزمـت ضلوعه وقع من شدة همومه
سـبية ومن على الناقة شبحت عيوني على الحومة
شـقـول وشفته على الغبرة أخوي مسلبة هدومه
وعـلـى الـرمـح دامـي** أعاين راسه يبرالي
وأصد له بنظرة لآلامي **وأصيح شبيدي يا الوالي
ولــونــي عــداي ** وأبـث شـكـواي
******
بـعـد غيبة هضم طالت اجيت أنشد على بن أمي
شـفـت طـف كربلاء بعيني وتهيج بالقلب همي
ذكـرت الـخـيل من غارت علي وحرقت خيمي
يـتـامـه وعـيـلة مذعورة وعليل بيا وضع يمي
طـحت بين الي يلوعني** على متني بصوت يضربني
وهـذاك ابـجـفه يدفعني** وهذاك اليسر يسبني
ذهــيــلـة تـراي ** وأبـث شـكـواي
******
وعلي السجاد الي بجفه على قبر حسين ضل يوحي
مـثـل طـيـر الفقد وتره تحوم على القبر روحي
أدي عـلـى الـقبر دارت حضنته بلوعتي ونوحي
صحت يالي نشفت جروحك بعد ما تنشف جروحي
يـا خـويه من سكن ونك** وحقك ما سكن وني
اذا قـلت لي غبت عنك** فلا ساعة الي غبت عني
نــظـر بـحـشـاي ** وأبـث شـكـواي
******
لـون يـا حـسـين تنشدني يا خويه وين ودوني
وعـلى مصاب الي جرى علي تجاوب دمعة عيوني
تـمـنـيـتـك تـطـر قبرك تقوم تعاين متوني
وأشـد مـوقـف يا بو اليمة ليزيد الطاغي جابوني
شـمـاتـة ضـل يناشدني** وعلى الكفن ضعني
وانـه قـبـاله ويشاهدني** سبية ودهري فاجعني
بــقـت بـحـمـاي ** وأبـث شـكـواي
التعلیقات