قوم عباس الخيم (مكتوبة) - باسم الكربلائي
منذ ١٣ سنة٦٦٢مشاهده
قصيدة : قـوم عـبـاس الـخيم حرقوها
للشاعر : المرحوم محمد رضا فتح الله الكربلائي
الرادود : الحاج ملا باسم الکربلائي
قـوم عـبـاس الـخيم حرقوها و الـفـواطـم لـليسر ودودها
******
قـوم يـا عـبـاس عاين للخيم امـوجـره و الخيل داست عالحرم
قـلـي خويه اشلون تنسه للذمم تـدري بـحـمـاك الحرم عافوها
******
اتـنـادي زيـنب و المدامع هامله يـا الـجـبـتنه من المدينه الكربله
او عـهـدك اتحامي يراعي المرجله قـوم عـايـن و الـحرم يسروها
******
يـبـن حامي الجار يا حامي الحمه قـوم شوف اشلون طحنه ابموزمه
فـرهـدوا خـويه الودايع فاطمه ويـن عـنـها ارحلت من نهبوها
******
و الـفـواطـم بالطفوف اتفرهدن او صـارن ايصيحن يحماي الضعن
لـيـش مـا رديت لينه ابها الفتن عـفـت لسكينه العده ايضربوها
******
احـركـوا الخيمه الذي بيها العليل و الـخـيـم محروقه يسمع للعويل
صـار ينشد وين ابن حامي الدخيل اشـلـون يـرضه للحرم ياذوها
******
اعـلـيك ينشد يا شبل عقد الوله يـا قـمـر تدري المرض بيه اعتله
اشـلـون ايدافع وحده عن العايله و آل امـيـه الـنـاقته حاطوها
******
آه يـا عـباس و امصابك صعب صدق زينب او بوجودك او تنغصب
حـجـة الله اعـليل حاير بالغرب مـنـه جـفـيـنه العده قيدوها
******
صـدق او مقيد علي ليث العرين امـقـيـد الـجفين زين العابدين
و الـجـفـوفك قطّعوها المجرمين صـدق عـيـنك بالسهم صابوها
******
آه يا عباس و امصابك يفتّه للصخر بـالـعـقيلة اشلون يا هاشم قمر
مـن درت بالعلم مرمي اعلى النهر بـالـعـمـد و الهامتك هشموها
******
لـون و لـيعقوب حزنك ينوصف مـنـه دمـع العين لمصابك يجف
جـان لـحـظه لبنه قلبه ما يرف الـك يـدعي اجفوفك ايعيدوها
******
بـالـصـبر أيوب مضرب للمثل لـو دره ابـحـالك يبن مير النحل
جان ينصح روحه و بحاله اشحصل و يـتـمـنـه الـعينك ايردوها
التعلیقات