يا ريح الهاب وياك وديني (مكتوبة) - باسم الكربلائي

قصيدة : يا ريح الهاب
الشاعر : الأدیب جابر الكاظمي

الرادود : الحاج ملا باسم الكربلائی

 

ياريح الهاب وياك وديني
ازور احباب غياب عن عيني
سفرهم طال .. وانا بهالحال
ازور احباب غياب عن عيني
******
عليلة وذاب دلالي
خلص بالآه والونة
ابوية حسين فارقني
خبر لليوم ما منة
اخذ وياه كل اهلي
وكطغ رجواي والظنة
اريد وياك تاخذني
ياريح الهاب واتعنة
على النسمات ياريح خليني
واشوفن وين ولياي دليني
ظعنهم شال .. وانا بهالحال
******
بوجود حسين يتافح
ملاحة وطيب مرعاية
عساني شلون اتـحمل
غصص وهموم دنياية
وانة الماجان يتهاوة
شريج الروح وياية
ندهني وسار للممشة
وعقبني وشال حدّاية
حدة الحدّاي ناديت تانيني
ياحادي النوق وياك مشيني
مشة ولا كال .. وانة بهالحال
******
جزاني وفات حاديهم
عساه يكون لا طوح
قطع بالنوق وعيوني
على الركبان تتشبح
مشة وظليت عالبيدة
بنظر مايوس اتلمح
ترك بالروح حسراتي
مصب العين دم يسفح
علل وهموم والبين واليني
وسعير الشوق لو هاج ياذيني
الهجر جتال .. وانا بهالحال
******
ياريح الهاب احجيلك
وانة الحسبات تشغلني
نذر انطيك كل عمري
لون وياك تحملني
اسوم عليك بارينة
لظعن ولياي وصلني
وابوية حسين لو شفته
ياريح الهاب نزلني
تراني الضيم والبين عاميني
ومن الحسبات مليت تدريني
شيضل عالبال .. وانة بهالحال
******
ابوية حسين دوهني
نـحت والنوح يحلالي
ياريت الروح لاعاشت
لونّة يروح عن بالي
عساه الموت ياخذني
وعساه تحين آجالي
مشة وظليت اتنطر
ولا مرسال ودّالي
أبويه الراح ميصير ناسيني
ولا مبعوث للدار يلفيني
ولا مرسال .. وانة بهالحال
******
ياريح الهاب لو تدري
شحملت هموم بغيابة
غزاني الشيب من صغري
وحمم بحشاي لهابة
شبيه الطير دلالي
خفق لغياب احبابه
لفاني الليل بالحسرة
قظيته بروح مرتابة
ظلام الليل بالآه يجزيني
ذهيلة راي والشيب غازيني
على هل المنوال .. وانا بهالحال
******
نهاري يروح باللوعة
ويجيني الليل بهمومة
ظلام وخوف يترادة
واطش دموع لنجومة
واشوف الدار وحشتهه
تخلي الروح مآلومة
نياح النوق لاحبابي
نـحت والعين معدومة