آه يبني يا جسام (مكتوبة) - باسم الكربلائي

 

 

آه يبني يجسام آ يبني يجسام

حنين الناقه ما يوصل لحني
همت و اسهام أحزاني لحني
يحق لي يبني يا جاسم لحني
ابدمه اجفوفك و أزفك عالمنيه

نسيم ورضة الجنه تهابك
ذهيل العقل يا جاسم تهابك
شهم و اجيوش عدوانك تهابك
المراجل و الشيم عندك سجيه

القلب أطواق من الصبر يبني
يجاسم للطفوف اهواك يبني
تظن لو رحت راح أنساك يبني
اشلون أنسه التربه ابين ايديه

و حق الخلق جن و خلق إنسه
يجاسم للقلب طرواك أنسه
عني لو غبت هيهات أنسه
لما يتفصل الأبيض عليه

و حق جدك إمام الإنس وجن
نشدت الراحن من الهضم وجن
إلك شمعات بين احشاي وجن
و تظل للمحشر بقلبي سريه

يهل القاطع هرش جبدي يجاسم
شربت العلقم و ريجي يجاسم
أصيحن عرسك امبارك يجاسم
أقدم للعرس دمعي هديه

للشاعر الأديب : جابر الكاظمي